Олон улсын боксын IBA холбооны тэргүүн Умар Кремлёв өрсөлдөгч холбоо болох World Boxing-ийн ерөнхийлөгч Геннадий Головкинд хандаж, санхүүгийн тусламж үзүүлэхэд бэлэн гэдгээ мэдэгдлээ.
Умар “Би тэдэнд амжилт, хөгжил хүсэн ерөөж байна. World Boxing холбоо мөнгөгүй гачигдаж байгааг би дуулсан. Манай холбоо санхүүгийн тусламж үзүүлэхэд бэлэн байна. Бид боксчдод ямар ч хязгаарлалт, хориг байхгүй байхын төлөө ажилладаг. Тамирчид IBA холбоонд ч тулалдаж, World Boxing-ийн тэмцээн, мэргэжилд ч дуртай газраа тоглож болно. Манай ДАШТ-д мэргэжлийнхэн ч оролцож байгаа. Жинхэнэ өрсөлдөөнөөр шилдгээ шалгаруулдаг. Одоогийн байдлаар IBA бол сонирхогчид, мэргэжлийнхэн, нударган зодооныхныг ч нэгтгэсэн цорын ганц холбоо байна. WBA-гийн дэлхийн аваргын бүсийн тулаан манай талбайд явагддаг. Бид бокст дийлж байгаа” гэж хэлсэн байна.
