Дэлхийн алдарт Vogue загварын сэтгүүлийн зургаадугаар сарын шинэ дугаарын онцлох зочноор 19 настай дуучин Билли Айлиш оролцож, цоо шинэ дүр төрх бүхий зураг авалтаар шүтэн бишрэгчидтэйгээ "уулзлаа".
Өнгөрсөн сард тэр трэнд болсон ногоон үсээ цайруулсан зургаа инстаграмдаа тавьсанаар сар хүрэхгүй хугацаанд зураг нь 22.5 сая хандалт аваад байв.
Мэрилин Монро маягийн 50,60-аад оныг санагдуулам шаргал үс, эмэгтэйлэг загварыг Vogue сэтгүүлийн стилист Бенжамин Мохари Биллид санал болгожээ. Томдсон спорт хослол, сул хувцсаар олонд танигдсан Билли шинэ дүр төрхөө "Илүү аз жаргалтай" гэж тодотгосон юм.
