1 мин

"Nomadland" кино болон Хлоя Жаогийн Оскарын шагнал хүртсэн тухай мэдээг ХЯТАДАД хоригложээ

Г.Сүрэн 2021.05.04 2

2

Хятадын найруулагч Хлоя Жао "Nomadland" киногоороо 93 дахь удаагийн Оскарын шагнал гардуулах ёслолоос "Шилдэг найруулагч", "Шилдэг кино" шагналыг хүртэж, уг шагналыг хүртсэн анхны ази эмэгтэй найруулагч болсон. 39 настай Хлоя Жао олон улсын кино наадмуудаас 58 нэр бүхий шагналын эзэн болоод буй. Тэрээр Хятадын нэрийг ийнхүү дэлхийд гаргаж, эх орныхоо бахархал болох байсан ч эсрэгээрээ Хятад улсад түүний "Nomadland" киног гаргахыг хориглож, "Улсын хориотой кино жагсаалт"-д оруулжээ. Үүгээр зогсохгүй "Хлоя Жао Оскарын шагнал хүртжээ" гэх утгатай мэдээ мэдээллүүдийг ч устгасан байна. 

Хятадын зүгээс тодорхой мэдээлэл цацаагүй боловч Хлоя Жаогийн өмнө нь өгсөн ярилцлагуудыг үндэслэн Өмнөдийн үзэл суртлыг сурталчилсан, эх орноо үгүйсгэсэн хэмээн буруутгажээ. Хлоя Жаогийн Оскарын шагнал гардан авсан тухай Weibo сүлжээн дэх 8.9 сая дагагчтай пост нийтлэгдсэн даруйдаа устжээ. 

Хлоя Жао 1982 онд Бээжинд төрж өссөн бөгөөд Англид их сургуульд суралцан, удалгүй АНУ-д сурч ажиллах болжээ. 

Түүний найруулсан Марвелийн "The Eternals" УСК энэ оны арваннэгдүгээр сард АНУ-д нээлтээ хийх юм.

Эх сурвалж: New Asia

Г.Сүрэн 2021.05.04

2