Хайх зүйлээ бичнэ үү

2 мин

АНУ вакцинд хамрагдсан иргэдээ маскгүй явахыг зөвшөөрлөө


Коронавирусийн эсрэг вакцинд бүрэн хамрагдсан хүмүүс гадаа болон дотор орчинд маск зүүж, хүн хоорондын зай барих шаардлагагүй гэж АНУ-ын өвчин хяналт, урьдчилан сэргийлэх төвийн тэргүүн мэдэгджээ. Доктор Рошель Валенский Цагаан ордонд хийсэн мэдэгдэлдээ “Цар тахлаас болж хязгаарлаж байсан бүхий л үйлдлээ одоо хийж эхлэхэд гэмгүй. Бид эргээд хэвийн байдалдаа орох энэ өдрийг их удаан хүлээсэн шүү дээ” гэжээ.

Тэрбээр Израиль болон АНУ-ын хийсэн гурван төрлийн судалгааны үр дүнд үндэслэн Халдварт өвчин судлал, хяналтын төвийн шинэ удирдамж болох халдвар хамгааллын дэглэмийг сулруулах шийдвэрийг гаргажээ. Израиль улсад хийсэн судалгаанд нийт 5000 гаруй эмнэлгийн ажилчид оролцсон ба коронавирусийн эсрэг вакцины үйлчлэл нь 97 хувийн амжилттай гэсэн үзүүлэлт гарчээ. Тус судалгаа нь АНУ-ын Анагаах ухааны нийгэмлэгийн сэтгүүлд хэвлэгдсэн болно.

Хэдийгээр вакцинд бүрэн хамрагдсан цөөн тооны иргэд халдвар авсан тохиолдол илэрсэн ч хөнгөн хэлбэрийн өвчлөлтэй байсан бөгөөд бусад хүмүүст дамжих эрсдэл багатай байгааг доктор Валенский мэдэгдэлдээ дурджээ.

Түүний зөвлөснөөр дархлаа сул гэгдэх хүмүүс эмчийн зөвлөгөөнөөс хамаарч маск зүүх эсэхээ шийдэх ба онгоц, автобус, вагон зэрэг олон нийтийн тээврийн хэрэгслээр зорчихдоо маск зүүсэн нь дээр гэсэн байна. 

“Вакцинд хамрагдаагүй хүмүүс хүнд хөнгөн хэлбэрээр өвчлөх, бусдад тараах, нас барах ч эрсдэл хэвээр байгаа тул бүрэн вакцинд хамрагдах хүртлээ халдвар хамгааллын дэглэмээ сахихыг анхааруулж байна. Харин бүрэн вакцинд хамрагдсан хүмүүс хоёр дахь тунгаа хийлгэснээс хойш 14 хоногийн дараагаас маскгүй явж болно” гэж доктор Валенский зөвлөжээ. 

Энэ шинэ журмын дагуу вакцинтай хүмүүст маскгүй явахыг зөвшөөрсөн ч гэлээ маск зүүх эсэх нь хувь хүний сонголтын асуудал юм гэжээ. Дээрх мэдэгдлийг бүрэн эхээр нь дараах бичлэгээс үзнэ үү: 

Эх сурвалж: CNN

Хамгийн их уншилттай
1
2021.05.19
Энэ зун хэрэгжүүлэх сонирхолтой болзооны 40 САНАА
2
2021.06.12
Канье өөрт нь төрсөн өдрийн мэнд хүргэсэн Кардашианы эгч дүүсийг 'unfollow' хийжээ
3
2021.06.04
Хар тамхи зарсан хэргээр шүүхэд дуудагдсан залуу 16 жилийн дараа хуульч болон эргэн иржээ
холбоотой мэдээ
1
12 цагийн өмнө
"Зөв хүнтэйгээ буруу цагт учирсан" хүний л ойлгох 14 МИЙМ
2
13 цагийн өмнө
SocialPay аппликэйшн ашиглан авто гарам дээр төлбөрөө дижиталаар хялбар төлөөрэй
3
14 цагийн өмнө
Нэн ховордсон амьтдын тоогоор гэрэл зургийн нягтаршлыг тааруулжээ
санал болгох
1
12 цагийн өмнө
"Зөв хүнтэйгээ буруу цагт учирсан" хүний л ойлгох 14 МИЙМ
2
14 цагийн өмнө
Нарциссизм | Өөрийгөө хэт өндрөөр үнэлэх өвчин юунаас үүдэлтэй вэ?
3
14 цагийн өмнө
Хүний сэтгэлийн 4 бэрхшээлд хариулт өгсөн СТОЙК ҮЗЭЛ

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.