Япон, Өмнөд Солонгосын “NCT Wish” хамтлаг залуучуудын адал явдлыг харуулсан аяллын цэнгээнт “ON THE MAP” нэвтрүүлгийн эхний дугаараа маргааш цацна гэдгээ зарлалаа.
Нэвтрүүлгээр хамтлагийн 6 гишүүн дэлхий тойрон аялж, янз бүрийн шинэ сонин зүйл туршин үзэж, даалгавар биелүүлж, өрсөлдөх юм. Маргааш 20:00 цагаас Mnet Plus сувгаар гарах хамгийн анхны нэвтрүүлгийн зураг авалтыг Монголд хийжээ. Зохион байгуулагчдаас “Энэ төслийн зорилго нь Монголын хээр талд к-поп дуучид хэрхэн хөлөө олж, бэрхшээлийг туулан явахыг харуулах гол зорилготой” гэж зарласан байна.
