Энэ сарын 12-нд Германы нийслэлийн “Берлинале” ордонд 76 дахь удаагийн Берлиний олон улсын кино наадам эхэллээ.
Улаан хивсны ёслол дээр улс төрийн хэд хэдэн үйл явдал болсон. Зарим зочин ёслол дээр “Иранд эрх чөлөө”, “Хэн ч захирагдах ёсгүй” гэсэн лоозонтой ирсэн байлаа.
Кино урлагийн өмнө байгуулсан гавьяаг нь үнэлэн, 63 настай, малайз жүжигчин Мишель Йеод “Хүндэт алтан баавгай” шагнал олголоо.
Үндсэн уралдаанд нийт 28 орны 22 кино өрсөлдөж байна. Наадмын уран сайхны захирал Триша Таттл “Бид энэ 22 кинонд итгэл дүүрэн байна. Эндээс та таалагдах киногоо олж чадахгүй бол та кинонд дургүй гэсэн үг” гэж мэдэгджээ.
Шилдэг киног энэ сарын 21-нд зарлах юм.
