Италийн Пармад байдаг “Magnani-Rocca Foundation” хувийн музейгээс алдарт уран зураач Ренуар, Сезанн, Матисс нарын бүтээлүүдийг хулгайлсан байна. Хохирлыг хэдэн сая евро гэж Цагдаагийн газраас үзэж байна.
Алдагдсан зургууд дотор Пьер Огюст Ренуарын “Fish”, Поль Сезаннын “Still Life with Cherries”, Анри Матиссын “Odalisque sur la terrasse” гэсэн алдартай бүтээлүүд байна.
Багтай гэмт этгээдүүд гол хаалгыг эвдлэн орж, зургийг аваад арын хаалгаар гаран алга болжээ. Ердөө гурван минутад амжуулсан бөгөөд гэмт этгээдүүд дөрвүүлээ байсныг Цагдаагийн газраас мэдээллээ.
“Magnani-Rocca Foundation” нь 1977 онд байгуулагдсан. Урлаг судлаач Луижи Маньянигийн хувийн цуглуулга хадгалагддаг музей юм.
