БНХАУ-ын Хайнан мужийн Саньяа аралд Азийн элсний VI наадам энэ сарын 22-30-ны өдрүүдэд зохион байгуулагдаж байна. 14 спортын 15 төрөлд зохион байгуулагдах тус наадамд Монгол Улсаа төлөөлж, 8 спортын төрөлд 50 тамирчин өрсөлдөж байгаа билээ.
Азийн элсний спортын наадмын жиү-жицүгийн эмэгтэйчүүдийн -52 кгд Г.Монголжин хүрэл медаль хүртлээ.
Тэрээр эхний даваанд БНСУ-ын тамирчин Пак Жонхэг цэвэр (SUB) буулган авч, илт давуу ялалт байгуулсан юм. Хэдийгээр дараагийн барилдаандаа Арабын Нэгдсэн Эмират Улсын тамирчин Асма Алхосанид оноогоор ялагдсан ч дагах барилдаандаа ялалт байгуулснаар медалийн төлөө өрсөлдөх эрхээ авч чадсан юм. Хүрэл медалийн төлөө Арабын Нэгдсэн Эмират Улсын тамирчин Хесса Алшамсиг яллаа.
