Netflix платформ дээр саяхан нээлтээ хийсэн “地獄に堕ちるわよ” буюу “Тамд унана шүү” кино Японд нэлээд шуугиан тарилаа. Энэхүү цуврал алдарт мэргэч, төлөгч Хосоки Казүко хэмээх бодит хүний амьдралаас сэдэвлэж, Тода Эрика Казүкогийн дүрийг бүтээсэн юм. Үзэгчдээс тун өндөр үнэлгээ авсан энэ драмаас гадна Netflix платформ дээр хандалт маш сайн олон япон драм бий. Үүнээс арвыг нь beauty321 сайт та бүхэнд танилцуулж байна.
“Тамд унана шүү”, “地獄に堕ちるわよ”
Хосоки Казүког мэддэггүй хүн нэг үе Японд байдаггүй байлаа. Тэрээр элдэв цэнгээнт нэвтрүүлэгт оролцож, ном бичин, манай сүмочидтой ч байнга уулздаг байсан юм. Драмын үйл явдал Шёовагаас Хэйсэй үеийг хамарч, Хосоки Казүкогийн дайны дараах хүнд хэцүү бага нас, шөнийн Гинзад хэрхэн нэвтэрсэн, яаж Японы хамгийн том төлөгч болсон талаар өгүүлнэ. Яг Японд ид алдаршиж байх үед нь якүзатай холбоотой баримт нь илэрч, баларсан гээд хурц үйл явдалтай кино юм.
Гол дүрд: Тода Эрика, Икүта Тома, Ёо Кимико, Касамацү Шёо, Окүно Эйта.
“ロングバケーション”, “Урт амралт”
3 жилийн өмнө гарсан энэ драм одоо ч олон үзэгчийн зүрх сэтгэлд байсаар байдаг. 1996 онд Фүжи телевизээр гарч байхад нь дундаж үзүүлэлт 2,6 хувь байв. СМАП хамтлагийн од Кимүра Такүягийн анхны дүр. Төгөлдөр хуурч Сенна уралдаанд орохоор бэлтгэж байтал хөршийнх нь сүйт бүсгүй гэнэт ороод ирнэ. Энэ драмын ачаар Японд төгөлдөр хуур тоглодог эрчүүд олширсныг “Long Vacation phenomenon” гэж нэрлэж байлаа.
Гол дүрд: Кимүра Такүя, Ямагүчи Томоко, Тоёохара Косүкэ, Рёо.
“初恋”, “Анхны хайр”
Намики Харүмичи, Ногүчи Яэ нар хэн хэнийхээ анхны хайр нь. Гэвч хувь заяаны эрхээр өөр өөр замаар явж, 20 жилийн дараа дахин учирна. Хэн хэн нь өөрийн амьдралтай болжээ. Үзсэн хүн болгоныг анхны хайраа дурсан сануулах драм.
Гол дүрд: Сато Такэрү, Мицүшима Хикари, Кахо, Мүкаи Осамү.
“全裸監督”, “Нүцгэн найруулагч”
Насанд хүрэгчдийн киноны найруулагч Мүраниши Торүгийн намтар дээр тулгуурласан, найруулагч Мотохаши Нобүхирогийн романаар хийжээ. 1980-аад оны үед эхнэрээ нууц амрагтайгаа байхад нь барьсан эр ажлаа орхиж, санамсаргүй насанд хүрэгчдийн киноны найруулагч болно.
Гол дүрд: Ямада Такаюки, Ишибаши Рёо, Ёо Кимико, Морита Мисато.
“コウノドリ”, “Өрөвтас”
Шизүноки Юүгийн манганаас сэдэвлэсэн эх баригч, эмэгтэйчүүдийн эмч нарын тухай кино. Ээжийгээ нас барсны дараа дотуур байранд өссөн ч авьяаслаг эх баригч болж чадсан төгөлдөр хуурч Baby буюу Конотори (өрөвтас гэсэн утгатай) ажил дээрээ оройтсон төрөлт, насанд хүрээгүй хүүхдийн жирэмслэлт гээд маш олон зүйлтэй тулгарах болно.
Гол дүрд: Аяно Го, Накамүра Юүри, Огүри Шюн, Сакагүчи Кэнтаро, Шимизү Фүмика.
“アンナチュラル”, “Unnatural”
Шүүх шинжилгээ, эмнэлгийн талаар детектив бүтээл. Лабораторийн ажилтан Мисүми Микото ажлын эмч нарынхаа хайхрамжгүй байдалтай тулгарна. Амиа алдсан хүний үхлийн шалтгааныг тодорхойлохоор хувиараа мөрдлөг явуулах юм.
Гол дүрд: Ишихара Сатоми, Күбота Масатака, Иүра Арата, Ичикава Микако.
“深夜食堂”, “Шөнийн хоолны газар”
Абэ Ярогийн мангагаар хийжээ. Шөнө дундын жижигхэн хоолны газарт янз бүрийн хүмүүс орж ирнэ. Бүгд зовлон, жаргалаа ярьж, зөвлөгөө нэг нэгэндээ өгнө. Том хотын жижигхэн ч гэр мэт дулаан уур амьсгалтай газар.
Гол дүрд: Кобаяши Каорү, Одагири Жо, Такаока Саки, Табэ Микако.
“逃げるは恥だが役に立つ”, “Гэрээт гэрлэлт”
Үмино Цүнамигийн манганаас сэдэвлэсэн. Их сургууль төгссөн Микүри Морияма ажилгүй болохгүйн тулд ажил олгогч Хирамаса Цүзакитай гэрээгээр гэрлэнэ. Харин кинонд тоглосон жүжигчин Арагаки Юи, Хошино Гэн нар бодит амьдрал дээр гэрлэж байлаа. Тэдний хуримын мэдээ хөрөнгийн биржийн ханшид нөлөөлж байв.
Гол дүрд: Арагаки Юи, Хошино Гэн, Отани Рёохэй, Мано Эрина.
“東京ラブストーリー”, “Токиогийн дурлалын түүх”
35 жилийн өмнө гарч байсан энэ драм одоо ч үзэгчдийн сонирхлыг татсан хэвээр. Токиод ажиллаж эхэлсэн хөдөөгийн Канжи залуу анхны хайр Сатомигийн зүрхийг эзэгнэх гэж оролдоно. Харин түүний найз Рикигийн үүрэг энэ гурвалжинд?
Гол дүрд: Ода Юүжи, Сүзүки Хонами, Эгүчи Ёсүкэ, Аримори Нарими.
“ビューティフルライフ”, “Амьдрал сайхан”
2000 онд гарахад нь Японы үзэгчдийн 50 хувь нь байнга үздэг гэсэн том тоо гарч байлаа. Хөгжлийн бэрхшээлтэй хүн эрүүл хүнтэй харьцахдаа хэрхэн ханддаг вэ, цэвэр ариун хайр дурлалыг өгүүлжээ. Амьдралд дуртай Кёохо тэргэнцэрт суудаг ч ажил дээрээ аз жаргалтай. Харин тэнд хайр байгаа болов уу?
Гол дүрд: Кимүра Такүя, Токива Такако, Ватабэ Ацүро, Мизүно Мики.
