Энэ сарын 5-ны өдөр эхэлсэн Зүүн Азийн эрэгтэйчүүдийн волейболын аварга шалгаруулах тэмцээний сүүлчийн тоглолтууд өнөөдөр явагдаж Монгол Улсын шигшээ баг хүрэл медалийн болзол хангалаа.
Энэ тэмцээнд манай баг эхний өдөр Хонгконгийн багийг 3:0, дараа нь БНХАУ-ын багийг 3:0 харьцаатайгаар хожсон боловч Японы багт 3:2 харьцаатай хожигдсоноор хүрэл медалийн төлөө тоглох болсон юм. Өнөөдрийн тоглолтод дахин БНХАУ-ын багтай дахин учраа таарч, хурд хүч, авхаалж самбаагаа сорин 3:1 харьцаатай буулгаж авснаар хүрэл медалийн болзол хангаад байна.
Зүүн Азийн эрэгтэйчүүдийн волейболын аварга шалгаруулах тэмцээний алтан медалийн төлөөх тоглолт одоо БНСУ-Японы багийн хооронд эхлэх гэж байна.
Гэрэл зураг: Uugan-Erdene Photo
