Дөрвөн жилд нэг удаа зохиогддог Азийн наадам нь манай тивийн бөхчүүдийн хувьд олимпын дараа орох том тэмцээн. Энэ жил Японы Нагояд эрэгтэй чөлөөт бөхийн 6 жинд 93 тамирчин өрсөлдлөө. Монголын шигшээ баг нэг хүрэл медальтай тэмцээнийг өндөрлүүлсэн. Харин эрэгтэй чөлөөт бөхөд багийн дүнгээр Ираны баг итгэл төгс ялалт байгууллаа. Тэд 4 жинд түрүүлж, нийт 110 оноо авсан бол талбайн эзэн Японы баг нэг ч жинд түрүүлж чадсангүй, 2 мөнгө, 2 хүрэл медаль, 84 оноогоор удааллаа. Энэтхэгийн шигшээ хоёр алт, хүрэл медальтайгаар эхний гурван байрт шалгарлаа.
Азийн наадам, Япон, Нагоя. 10-р сарын 2-3.
Эрэгтэй чөлөөт бөх
57 кг. 1. Аман (Энэтхэг); 2. Чон Сон Хан (БНАСАУ); 3. Ванхао Зу (Хятад), Айял Белолюбский (Тажикистан)
65 кг. 1. Сужит Калкал (Энэтхэг); 2. Абдулмажид Кудиев (Тажикистан); 3. Котаро Кийока (Япон), Начын Куулар (Казахстан)
74 кг. 1. Юнес Эмами (Иран); 2. Ёшиносүкэ Аояги (Япон); 3. Нуркожа Кайпанов (Казахстан), Виктор Рассадин (Тажикистан)
86 кг. 1. Мохаммад Ноходи (Иран); 2. Хайято Ишигүро (Япон); 3. Малик Шаваев (Кыргызстан), О.Сүлдхүү (Монгол)
97 кг. 1. Амирали Азарпира (Иран); 2. Шерзод Поёнов (Узбекистан); 3. Дипак Пуния (Энэтхэг), Араш Ёшида (Япон)
125 кг. 1. Амир Заре (Иран); 2. Бөх-Эрдэнэ (Хятад); 3. Шамиль Шарипов (Бахрейн), Едиге Кассимбек (Казахстан).
