1 мин

Booker Prize 2021: Шри Ланка, Канад, Өмнөд Африк зохиолч шалгарлаа

Г.Сүрэн 2021.07.31

4

Англи хэлт уран зохиолын шилдгүүдийг шалгаруулдаг “The Booker Prize” шагналын 2021 оны 13 бүтээл тодорлоо. Олон улсын Бүүкерийн шагналыг англи хэл дээр орчуулагдсан шилдэг уран зохиолын бүтээлд олгодог бол үндсэн Бүүкерийн шагналыг Их Британид англи хэлээр хэвлэгдсэн бүтээлд олгодог уламжлалтай. 

Эхний шатанд шалгарсан 13 бүтээлээс дараагийн шатанд буюу ирэх арваннэгдүгээр сард 6 бүтээлийг шалгаруулах юм. Бүүкерийн эзэн буюу шилдэг нэг бүтээлийн зохиолчид 50 мянган фунт стерлинг (198.9 сая төгрөг) шагналыг олгодог нь уран зохиолын салбарын хамгийн өндөр мөнгөн дүн бүхий урамшууллын нэг. Харин сүүлийн сунгаанд үлдсэн 5 бүтээл тус бүрд 2500 фунт стерлинг (9.9 сая төгрөг) шагналыг олгох юм.

Уран зохиолын салбарын судлаачид Япон-Британи зохиолч Казүо Ишигүро, Британи-Энэтхэг романч Сунжеев Сахота, Шри Ланка зохиолч Анук Арудпрагасам нарыг тус шагналыг хүртэх хамгийн их магадлалтай зохиолчоор нэрлэж байна.

2021 оны Бүүкерийн шагналд нэр дэвшсэн 13 бүтээл:

1. Анук Арудпрагасам - “A Passage North” (Шри Ланка)
2. Рэйчел Куск - “Second Place”  (Британи/Канад)
3. Дэймон Гальгут - “The Promise” (Өмнөд Африк)
4. Фрэнсис Спаффорд - “Light Perpetual”  (Британи)
5. Казүо Ишигүро - “Klara And The Sun” (Британи)
6. Карен Женнингс - “An Island” (Өмнөд Африк)
7. Патрисия Локвуд - “No One is Talking About This” (Америк)
8. Надифа Мохамед - “The Fortune Men” (Британи/Сомали)
9. Нейт Харрис - “The Sweetness Of Water” (Америк)
10. Мегги Шипстэд - “Great Circle” (Америк)
11. Мэри Лоусон -  “A Town Called Solace” (Канад)
12. Ричард Пауэрс - “Bewilderment” (Америк)
13. Сунжеев Сахота - “China Room”  (Британи)

Эх сурвалж: Booker.org

Г.Сүрэн 2021.07.31

4