Хайх зүйлээ бичнэ үү

3 мин

Аялж зугаалахдаа огтхон ч орхиж болохгүй 8 зүйл


Та бүхэн найз нөхөд, хамт олноороо одоо л нэг амжаад салхинд гарахаар зэхэж байна уу? Тэгвэл үүнийг битгий мартаарай!


1. Майхан

Сүүлийн үед палатка, майхны сонголт тун өргөн болжээ. Сонголт их байх тусам ямар майхан авах вэ гэсэн эргэлзээ улам их төрнө. Хамгийн гол нь ус нэвтэрдэггүй майхан байх хэрэгтэй. Хоёр давхар байвал бороо салхинаас хамгаалж, агааржуулалт сайн байдаг. Урт замын аялалд явах бол аяллын жижигхэн майхан сонгоорой.


2. Газрын зураг, луужин, GPS

Төөрч, будлих явдал бишгүй нэг тохиолдоно. Гэтэл хэнд нь ч луужин байхгүй бол яах вэ? Тиймээс та тохиолдож болох хамгийн муу үр дагаврыг тооцоолж, газрын зураг, луужин сэлтийг заавал авч яваарай. Мөн явсан газар болгоноо тэмдэглэж, хүмүүсээс замаа сайн асууж байх хэрэгтэй шүү.

3. Дулаан өмд, цамц болон бүтээлэг  


Та зузаан хувцас, ээлжийн оймс заавал авч яваарай. Орой болон үүрээр цаг агаарын хэм хасах градус руу ордог. Бас хувцас муухай болох, урагдах гээд олон ч асуудал бий. Голын усанд унах, бороо хувингаар цутгах гээд олон ч зүйл тохиолдоно. Ээлжийн хувцсыг хэзээ ч мартаж болохгүй.

4. Зургийн аппарат

Утсаар зураг авахад бас болно л доо. Гэхдээ мэргэжлийн, сайн аппараттай бол та бараг л аян замын тэмдэглэл хийгээд ирэх боломжтой. Таны замд янз бүрийн л зүйл дайралдах болно. Ховор, гайхалтай амьтантай ч таарах юм билүү? Ядаж л гол, нар жаргах сайхан мөч, найзуудын инээдтэй, хөгжилтэй мөч гээд буулгаж авах нандин хором өчнөөн.

5. Хөгжөөнт тоглоом, дуу хуур

Аялалд гарна гэхээр хүмүүс хэзээ ч уйдахгүй юм шиг санадаг. Гэхдээ үнэндээ сул чөлөөтэй цаг ямар их гээч? Хөзөр, даалуу, янз бүрийн хөлөгт тоглоом, гитар, янзын гоё дуунуудтай кассет, CD-г мартаж үл болно. Замд хүссэн дуугаа сонсоод, дуулаад явахад ямар сайхан гээч.

6. Хивсэнцэр, бүтээлэг

Хөдөө хээр хивсэнцэр тун хэрэгтэй. Учир нь зузаан тул унтах, хэвтэж амрахад газрын чулуу нухахгүй. Мөн хөнгөхөн тул ачаандаа баглаад аваад явчих боломжтой. Дээд хэсгийг нь эргүүлэхэд дэр ч хэрэггүй болно.

7. Эмийн сан

Аялалд явахад бүрэн бүтэн том эмийн сан шаардлагагүй. Харин шархны лент, өвчин намдаагч, ойр зуурын эмтэй авсаархан аптек аминд орох үе гарна. Ялангуяа гэдэсний эм, боолт хэрэгтэй шүү. Цүнхэнд багтах жижигхэн хэмжээний байхад болно.

8. Шумуулны тос, нарны тос, нүүрний будаг...

Шумуулны хоол болох гээгүй бол эсвэл наранд түлэгдэхийг хүсэхгүй бол заавал тос авч яваарай. Та дараа нь үнэхээр харамсаж мэднэ.

9. Олон үйлдэлт хутга, авсаархан газан плитка болон аяны хоолны саваа бүү март 

Олон үйлдэлт хутга ямар ч үед хэрэг болно. Бас мэдээж газ, плитка, жижигхэн авсаархан хоолны сваыг мартаж болохгүй шүү.

Хамгийн их уншилттай
1
4 өдрийн өмнө
41 настай жүжигчин Жан Нара 6 насаар дүү сүйт залуутайгаа хуримаа хийлээ
2
2022.06.03
Зургаадугаар сарын чухал үйл явдал, ХАЙР ДУРЛАЛЫН зурхай + Танд зориулах дуу
3
2022.06.21
Женнифер Лопес хүүхдээ хүйс заагаагүй төлөөний үгээр нийтэд танилцуулав
холбоотой мэдээ
1
3 өдрийн өмнө
Түүдэг галын утаа яагаад биднийг хаашаа ч явсан дагадаг вэ?
2
2022.04.27
Буриад улстай хамтарч "Байгаль нуур-Хөвсгөл нуур" маршрутын аялал жуулчлалыг хөгжүүлнэ
3
2021.11.23
50 гаруй улсаар аялсан зохиолч бүсгүйн хамгийн их биширч хайрласан 8 улс
санал болгох
1
17 цагийн өмнө
“Orphan: First Kill” киноны шинэ зураг, үйл явдлын хураангуйг анх удаа цацлаа
2
19 цагийн өмнө
Playtime-ийн "халаалт" ENJOY SUMMER pre-event болно
3
3 өдрийн өмнө
"AMRA"-гийн тоглолтыг угтан сонсож, хэмнэлд автах "гал" шиг 15 дуу

Энэ мэдээнд өгөх таны сэтгэгдэл?
0
0
1
0
0
0
0
1

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.