1 мин

13 аймшгийн кино үзсэн хүнд 1300 ам.доллар өгнө

Б.Уранзаяа 2021.09.15 3 1

4

FinanceBuzz санхүүгийн компани 13 аймшгийн кино үзэж дуусгасан хүнд 1300 доллар өгнө хэмээн ам гарчээ. Кино бүтсэн төсвийн хэмжээ киноны чанарт хэрхэн нөлөөлдөг талаарх туршилтын нэгэн хэсэг гэнэ. 

Уг туршилтад оролцохоор сонгогдсон хүмүүс түүхэн дэх хамгийн аймшигт 13 киног үзэх ба зүрхний хэмнэлийг нь Fitbit технологиор бүртгэх аж. Үйл ажиллагааг аймшгийн баярыг тохиолдуулан ирэх аравдугаар сард зохион байгуулахаар болжээ. 

“Бид төсөв өндөртэй аймшгийн кино илүү аймшигтай болдог эсэхийг л мэдэх гэсэн юм” гэж FinanceBuzz компанийн хэвлэлийн төлөөлөгч мэдээлжээ. 

Үзэгчдийн зүрхний хэмнэлийг тэмдэглэснээр аль кинон дээр илүү их айж байгааг нь мэдэх боломжтой гэж тооцжээ. Гэсэн ч хүн бүрийн сонирхол, айдаг зүйлс өөр тул аль болох олон хүмүүсийг хамруулж бодитой дүгнэлтэд хүрэхээр зорьж буй. Туршилтад оролцох хүмүүс айсныхаа төлбөрт 1300 доллар болон 50 долларын бэлгийн картаар шагнуулах гэнэ. 

Оролцох сонирхолтой хүмүүс ЭНД дарж маягт бөглөн, өөрийгөө тохиромжтой үзэгч болохоо тайлбарлах шаардлагатай. Маягт бөглөх хугацаа есдүгээр сарын 26 хүртэл үргэлжилж, оролцох хүмүүсийг аравдугаар сарын нэгэнд зарлах гэнэ. 

Шалгарсан оролцогчид аравдугаар сарын 9 - 18 хүртэл дараах 13 киног үзэж туршилтад оролцоно:

• “Saw” 
• “Amityville Horror”
• “A Quiet Place”
• “A Quiet Place Part 2”
• “Candyman"
• “Insidious”
• “The Blair Witch Project”
• “Sinister”
• “Get Out”
• “The Purge”
• “Halloween” (2018)
• “Paranormal Activity”
• “Annabelle”

Б.Уранзаяа 2021.09.15

4