Шатрын их мастер Нона Гаприндашвили "Queen's Gambit"-аас болж "Netflix"-ийг шүүхэд дууджээ
Дэлхийн шатрын анхны эмэгтэй их мастер Нона "The Queen's Gambit" кинонд хэлэгддэг нэгэн үгнээс болж тэднийг шүүхэд дууджээ. Учир нь тус кинонд хэлэгддэг үг буруу утга агуулсан, хүйсээр гадуурхсан шинжтэй хэмээн үзсэн гэнэ.
Өдгөө 80 настай домогт шатарчин, Гүрж улсын бахархал болсон түүнийг киноны төгсгөлийн ангид "Хэзээ ч эрэгтэй хүнтэй нүүр тулж үзээгүй эмэгтэй аварга" гэж хэлдэг гэнэ. Тус үйлдэл нь түүний нэр хүндийг унагаад зогсохгүй, хүйсээр ихээхэн гадуурхсан гэж үзжээ.
1968 он гэхэд тэрээр 59 эрэгтэй шатарчинтай тоглож байсан бөгөөд "Queen's Gambit" киноны тэрхүү ангийн үйл явдал өрнөдөг жил мөн хэмээн дүгнэжээ.
"Queen's Gambit" кино нь 1983 онд гарсан киноноос сэдэвлэгдсэн бөгөөд өнчин охин Бет Хармон Хүйтэн дайны цаг үед дэлхийн хамгийн алдартай шатарчин болж буйг өгүүлдэг. Энэ жилийн Алтан бөмбөрцөг кино наадмаас тэд 2 шагнал хүртэж, 18 төрөлд нэр дэвшсэн юм.
Нона Гаприндашвили энэ асуудлаар Netflix компаниас 5 сая ам.доллар нэхэмжилж, тус киноны үгийг хасахыг шаардсан байна.