Парист "Squid Game" дэлгүүрийн нээлтийн үеэр зодоон болжээ
"Squid Game" тоглоом гарцаагүй дэлхий дахинд шуугиан тарьж, хэдэн зуун сая үзэгч, шүтэн бишрэгчтэй болсны нэгэн баталгаа нь энэхүү зодоон байлаа. Дэлгүүрээр зочлохоор хүлээж зогссон хүмүүсийн цуваа 300 метр гарсан байна.
Аравдугаар сарын 3-нд онгойсон цагаасаа хойш 2 өдөр л ажилласан "Squid Game" дэлгүүрийн тухай мэдээ анх гарахдаа л хүмүүсийг татсан. Парис хотод байрлах тус дэлгүүрт кинон дээр гардаг зарим тоглоомыг туршиж үзэх боломжтой хэсгүүд ажиллаж байсан нь оролдож үзэхийг хүссэн хүмүүсийг улам ч их болгожээ.
Дэлгүүрийн нээлтийн үеэр тун ноцтой зодоон болж, нэгэн залуу мотоциклын малгайгаар хэн нэгнийг цохиж, олон хүмүүсийн үймэлдэж байгаа бичлэг интернетэд тавигджээ.
Тус дэлгүүрийн өнгө үзэмж тэр чигтээ хүмүүсийг татам байлаа. Тэнд Далгона чихрийн дүрсийг гаргаж авах даалгаврыг хийлгэж, орж чадсан хэсэгхэн азтай хүмүүсийг улаан хувцастай, кинон дээр гардаг багтай ажилчид дагуулан өрөөнүүдээр явжээ.
Зочин 2021.10.12 66.181.161.127
N`s in paris lmao
0 0 Хариулах