1 мин

ФОТО | Гэр гэрээсээ Нобелийн шагнал хүртсэн эрхмүүд

Г.Сүрэн 2021.10.12 2 1 1

Өнгөрсөн долоо хоногт 2021 оны Нобелийн шагналтнууд тодорч, цар тахлын нөхцөл байдлаас шалтгаалан гэр гэрээсээ шагнал гардуулах ёслолд оролцон, баярт мэдээг хүлээн авчээ. 

2021 оны эдийн засгийн салбарын Нобелийн шагнал хүртсэн АНУ-ын Беркли Их Сургуулийн эдийн засгийн ШУ-ны профессор Дэвид Карт шууд дамжуулалтыг үзсэн дариудаа Нобелийн хороотой утсаар ярьжээ. Тэрээр цалингийн доод хэмжээ, шилжилт хөдөлгөөнийг судалж, боловсролын салбарт бодлогын өөрчлөлт хийснээр хөдөлмөрийн зах зээлд ямар нөлөө үзүүлэх үр дүнг тайлбарласан судалгаа бүтээлээрээ уг шагналыг хүртсэн юм. 

Судалгааны тоо мэдээллийг хэрхэн боловсруулж, задлан шинжлэх, дүгнэх судалгааны арга зүйг боловсронгуй болгон эдийн засгийн салбарын Нобелийн шагнал хүртсэн АНУ-ын Калифорни мужийн MIT-ийн эдийн засгийн ШУ-ны профессор Жошуа Ангрист Нобелийн шагнал хүртсэн тухай мэдээллээ зөөврийн компьютерээрээ хүлээн авчээ. 

АНУ-ын Калифорнийн Их сургуулийн эрдэмтэн Дэвид Юлиус эхнэрийн хамт гэртээ Нобелийн мэдээг хүлээн авчээ. Тэрээр эрдэмтэн Ардем Патапутианы хамт хүний дулаан мэдрэхүйг шинэ түвшинд судлан анагаах ухааны салбарт Нобелийн шагнал хүртсэн юм. 

Анагаах ухааны салбарын судалгааны эрдэмтэн Ардем Патапутиан хүүгийн хамт амарч суухдаа Нобелийн шагналын мэдээг хүлээн авчээ.

2021 оны Нобелийн шагналтнуудын тухай дэлгэрэнгүй мэдээлэл: 

Анагаах ухааны салбарын Нобелийн шагнал: 

Хүний дулаан мэдрэхүйг шинэ түвшинд судалсан эрдэмтэд НОБЕЛИЙН ШАГНАЛ хүртлээ

Физикийн салбарын Нобелийн шагнал: 

Уур амьсгалын өөрчлөлтийг судалсан эрдэмтэд Нобелийн шагнал хүртлээ

Химийн салбарын Нобелийн шагнал: 

Органик катализын аргыг нээсэн эрдэмтэд Нобелийн шагнал хүртэв

Утга зохиолын салбарын Нобелийн шагнал: 

Утга зохиолын Нобелийн шагналыг Абдулразак Гурна хүртлээ

Энх тайвны салбарын Нобелийн шагнал 

Нобелийн Энх тайвны шагналын эзнээр ОХУ, Филиппиний сэтгүүлчид тодорлоо

Г.Сүрэн 2021.10.12