Өмнөд Солонгосын тэмцэгчид "Squid Game" цувралын хувцас өмсөн жагсжээ
Өмнөд Солонгосын Үйлдвэрчний Эвлэлийн холбооны гишүүд Netflix-ийн "Squid Game" цувралын дүрэмт хувцас өмсөн ажилгүйдлийг бууруулж, ажлын байрны аюулгүй байдлыг хангахыг Засгийн газраас шаардан уриа лоозон барин жагсжээ.
Тус улсын Ерөнхийлөгч Мүн Жэ Ин коронавирусийн тархалтын улмаас иргэдийг жагсаал цуглаан хийхийг удаа дараа хориглосоор байв. Харин өнгөрсөн лхагва гарагт иргэд цар тахлын үеэр Засгийн газрын баримталж буй бодлого шийдвэрийг шүүмжлэн, ажилгүйдлийг бууруулах, ажлын байрны аюулгүй байдлыг хангахыг шаардсан юм. "Ард иргэдийн амьдрал яг л "Squid Game" цувралд гардаг шиг ядуу дорой, мөнгө хүүлэгчдэд идэгдсэн, өнөө маргааш яахаа мэдэхгүй хүнд нөхцөлд орсон" гэж жагсагчдын төлөөлөл хэлжээ.
Several union workers dressed in #SquidGames outfit take part in a rally in #Seoul, saying just like in the movie they too are struggling to make a living. They called on the government to improve workers’ rights. Some reports say about 30,000 took part in the rally. pic.twitter.com/tus8vj9KeG
— LIM Yun Suk (@yunsukCNA) October 20, 2021
"Цувралын зарим хэсгийг үзэхэд бэрх байсан. Ажлаасаа халагдсан, шарсан тахианы газар ажиллуулж чадахгүйд хүрсэн, жолоочоор ажиллаж чадахаа байсан, амьдрахын тулд юу олдсоноо хийж буй хүмүүсийн амьдрал яг л миний эргэн тойрныг сануулсан" гэж "Ssangyong Motors" компаний ажилтан хэлжээ.
13 хотод 80 мянган жагсагчид цугласан бөгөөд Сөүл хотод цугласан 30 мянга гаруй жагсагчдыг цагдаа нар тараасан байна.
Эх сурвалж: indiewire.com