Адель нарийн дэс дараатай "30" цомгийг нь хольж хутгахгүй байхыг "Spotify"-аас хүслээ
Дэлхийн хамгийн алдартай дуучдын нэг Адель гуравхан хоногийн өмнө "30" цомгоо сонсогчдын хүртээл болгоод буй. Тэгвэл анхааралтай найруулж, дуу нэг бүрийн дараалал, утга учрыг бодолцон бүтээсэн эл цомгийг нь энд тэндээс нь тоглуулж, "хольж хутгахгүй" байхыг тэрээр хөгжмийн стрийминг үйлчилгээний "Spotify" компаниас хүслээ.
Адель твиттер хаягтаа "Амьдралынхаа хамгийн үймээн самуунтай үедээ бүтээсэн "30" цомгийн 12 дуу нь нарийн дэс дараатай учраас "Spotify" дээр энд тэндээс нь тоглуулахад утга учраа алдаж, илэрхийлэхийг хүссэн найруулгыг маань алдагдуулах вий. Хувьсан өөрчлөгдөж буй хөгжмийн ертөнцөөс хүсэх ганц зүйл минь энэ" гэжээ.
Түүний хүсэлтэд "Spotify" компаниас "Таны хүссэн бүхнийг" гэх утгатай хариултыг өгч, зөвшөөрч буйгаа илэрхийлсэн юм.
Ямартай ч, Аделийн "30" цомгийг бид тун анхааралтай сонсох хэрэгтэй байх нь ээ...
Эх сурвалж: Washington Post