Орчин цагийн мэргэжлийн урлагийн ууган байгууллага Улсын драмын эрдмийн театрын түүхт 90 жилийн ойн баяр өнөөдөр тохиож байна. Уг өдрийг тохиолдуулан Ардын жүжигчин П.Цэрэндагва, Ардын жүжигчин Н.Сувд нарыг “Хөдөлмөрийн баатар” цолоор, Урлагийн гавьяат зүтгэлтэн Б.Жаргалсайханыг “Ардын жүжигчин” цолоор шагнахаар болжээ. Түүнчлэн УДЭТ-ын захирал Д.Цэрэнсамбуу, жүжигчин Ж.Пүрэвдорж нарыг “Сүхбаатарын одон”-гоор, жүжигчин Г.Амгаланбаатар, Ц.Баясгалан нарыг “Монгол Улсын гавьяат жүжигчин” цолоор, найруулагч Ч.Түвшин, ерөнхий зураач Т.Ганхуяг нарыг “Урлагийн гавьяат зүтгэлтэн” цолоор шагнах аж.
