Хайх зүйлээ бичнэ үү

2 мин

Нэрт хөгжмийн зохиолч Ж. Чулууны “Уран Хас” нэн орчин үеийн бүжгийн жүжиг тоглогдоно


Нэрт хөгжмийн зохиолч Ж. Чулууны “Уран Хас” нэн орчин үеийн бүжгийн жүжиг арванхоёрдугаар сарын 1,2-ний өдрүүдэд тоглогдох гэж байна. 

Монголын контемпрари балетын хөтөлбөр “Чулуун” сантай хамтран Швейцарын хөгжлийн агентлагийн дэмжлэгтэйгээр “Уран Хас” контемпрари балетыг Монголын урлагийн зөвлөлийн санаачилсан “Моушн Монголия” контемпрари бүжгийн олон улсын II-р наадамд зориулж бүтээж эхэлжээ. Цар тахлын улмаас хойшилсон боловч энэ ондоо багтаан танилцуулах боллоо. 

 

Нэрт хөгжмийн зохиолч Ж. Чулууны “Уран Хас” нэн орчин үеийн бүжгийн жүжгийн хөгжмийг хөгжмийн продюсер, хөгжимчин, дижэй Э.Итгэл орчин үеийн хэв маягт оруулж, авьяаслаг залуу дэглээч Ё. Дамчаабадгар орчин үеийн Хасын тухай шинэ цомнолын дагуу дэглэж найруулан, МКБХ-н бүжигчид уг контемпорари балетыг тавьж байна. Мөн энэхүү шинэ уран бүтээлийн хувцасыг “Жей Зозо” брендийн дизайнер Х. Батзориг, тайзны декорацийг медиа уран бүтээлч Б. Бат-Эрдэнэ нар өөрсдийн хүч чадлаа дайчлан бүтээжээ. 

Энэхүү орчин үеийн, контемпрари балетын гол санаа нь өөртөө итгэлтэй байж, бусад хүмүүсээс хамаарахгүйгээр зорьсон ажлаа хийгээд урагшлах нь зөв зүйтэй гэсэн санааг залуу уран бүтээлчид өнөөдрийн нийгэмд хүргэж байгаад оршино. Бүжигт орчин үеийн бүтээлч залуу Хас хүлээн зөвшөөрөгдөхгүй, бусдын хандлагаас хамааралтай байгаадаа хэрхэн шаналж байгаа, дурлалт бүсгүйтэйгээ хамт бэрхшээлийг даван туулж амжилтанд хүрч буй тухай өгүүлнэ. Өөрсдийгөө хайрцаглаж бусдын бодож, хэлж байгаагаас хамааралтай байгаа нь бидний толгойд л байдаг юм байна гэдгийг Хас, Хандармаа хоёр ухаарна. Энэ асуудал нь бидний дунд аль хэдийнээ бугшиж аливаа салбарын хөгжил дэвшлийг уяж хязгаарлаж байгааг уран бүтээлч залуучууд олж хараад бусдад хандан өөртөө илүү итгэлтэй, зоригтой, хүчтэй, хөдөлмөрч байхад ард нь амжилт угтаж авна гэдгийг ойлгуулахыг зорьжээ. Хас бол өнөөдөр бидний дунд ажиллаж, амьдарч,дэлхийн төвшнөөс халин, даван сэтгэж байгаа шинийг санаачлагч, оюуныг бүтээгч залуучуудын төлөөлөл юм. 


Монголын контемпрари балетын хөтөлбөр (МКБХ) нь соёл урлагийн тогтвортой хөгжлийг хангах үүднээс контемпрари бүжгийн урлагийн бүжигчдэд дэмжлэг үзүүлэх, бүжгийн урлагаар дамжуулж олон нийтэд боловсрол олгох чиглэлээр 2012 оноос үйл ажиллагаа явуулж байгаа төрийн бус байгууллага юм. Байгаль орчны олон нийтийн боловсролд хувь нэмрээ оруулж ус хамгаалалтын ач холбогдол, агаарын бохирдлын хор уршгийн тухай орчин үеийн бүжгийн жүжиг бүтээж, үзэгч олныхоо таашаалыг хүртсэн билээ. 

Дэлгэрэнгүй мэдээллийг эндээс аваарай. 


Хамгийн их уншилттай
1
2022.11.07
Дуучин Seryoja бүсгүйчүүдийн зүрхийг булааж, эрчүүдийг "бухимдуулж" буйг батлах 20 пост
2
2022.11.03
Аргентин, Пуэрто-Рикогийн миссүүд гэрлэснээ мэдэгдэв
3
2022.11.24
Онлайнаар танилцсан залуутайгаа уулзахаар яваад эд эрхтний наймааны хохирогч болжээ
холбоотой мэдээ
1
2022.11.23
Гэрэл зурагчин Б.Бямба: Тэдний үйлдэл бүрээрээ байгалиа хайрладаг нь сэтгэлд тод үлджээ
2
2022.11.11
Пол Аллены уран зургийн цуглуулга 1.5 тэрбум ам.доллар хүрэв
3
2022.11.09
Таны мэдвэл зохих монгол уран бүтээлчдийн тухай сонирхолтой баримтууд #1
санал болгох
1
7 цагийн өмнө
Энэ 7 хоногийн хөгжилтэй постууд: Сэлбэ гол төсөл, цочир хүйтрэл, шинэ жил
2
8 цагийн өмнө
Буддын сүмийн бүх ламаас хар тамхи илэрч, сүм хоосорчээ
3
10 цагийн өмнө
Канье Уэстэд урам хугарсан фенүүдийнх нь шивээсийг үнэгүй арилгаж өгч байна

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.