“Хэрлэн голын алим” хэмээх шинэ брэнд төржээ
Дорнод аймагт гарааны бизнесийг дэмжихээр шилдэг төсөл шалгаруулах “Старт ап” арга хэмжээг таван жилийн өмнөөс хэрэгжүүлж эхэлжээ. “Залуучуудын хөдөлмөр эрхлэлтийг дэмжих хөтөлбөр”-ийн хүрээнд болж буй уг шалгаруулалт оны шилдэг төслүүдэд буцалтгүй дэмжлэг олгодог аж.
2021 оны шалгаруулалтад 23 бүлгийн 48 залуус өөрсдийн санаачилсан бизнесийн төслөөр оролцсоноос “Хэрлэн голын алим”, “Гэр бүлийн амралт”, “No stress”, “Өд” гэсэн дөрвөн төсөл шалгарч 45 хоногийн хурдасгуур сургалтад хамрагдсанаас, шилдэг санаагаар тодорсон “Хэрлэн голын алим” төсөлд буцалтгүй 10 сая төгрөгийн дэмжлэг олголоо.
“Хэрлэн голын алим” төсөл нь Дорнодод нутагшсан сортын алим, чавганы мод тариалах бөгөөд улсын хэмжээний “Старт ап” шалгаруулах 20, 17, 13 сая төгрөгийн эргэн төлөх нөхцөлгүй санхүүгийн дэмжлэг авах арга хэмжээнд оролцох эрхтэй болсон байна.