1 мин

Дүүгээ нохойноос аварсан хүү Том Холланд, Зендаяатай уулзжээ

Г.Сүрэн 2021.12.23 23 3

Өнгөрсөн жилийн зургаадугаар сард охин дүүгээ нохойд хазуулахаас хамгаалан урдуур нь орж өөрийгөө гэмтээн хамгаалсан жаал хүү биедээ 90 гаруй оёдол тавиулж байв. 

Бриджер Уокер гэх хүү тухайн үед 6 настай байсан бөгөөд хүүгийн баатарлаг үйл цахим ертөнцөд түгж, жүжигчин Том Холланд "Чи бол жинхэнэ баатар. Удахгүй уулзана гэдэгт итгэж байна" гэж байв.

Зураг	Тайлбар

Тэгвэл Том Холланд жаал хүүд өгсөн амлалтаа биелүүлж, ах дүү хоёрыг "Хүн-Аалз: Буцах замгүй" киноны бүрэлдэхүүнтэй уулзуулжээ.

Хүүгийн аав "Том, Зендаяа, Харри нарт маш их баярлалаа. Марвелийн бүрэлдэхүүнтэй уулзаад бидний мөрөөдөл биеллээ. Зурагтаар Хүн-Аалз гарахад хүүхдүүдийн гаргадаг царайны хувирлыг юутай ч зүйрлэшгүй шүү. Сүпер баатрууд зөвхөн баатар болж жүжиглэдэггүй. Үнэхээр л сүпер баатар байдаг" гэжээ. 

Зураг	Тайлбар

Жилийн өмнө биедээ удаа дараагийн оёдол тавиулсан хүү "Дүү минь гэмтсэнээс би гэмтсэн нь дээр. Дүүгээ хамгаалсандаа харамсахгүй байна" гэж байв.     

Эх сурвалж: BBC

Г.Сүрэн 2021.12.23