1 мин

Кейт Уинслет: Леотой дахиж уулзахдаа зогсолтгүй уйлж байсан

Ub.life 2021.12.27 3

2

Оскарын шагналт жүжигчин Кейт Уинслет, Леонардо Ди Каприо нар орон зай, цаг хугацаанаас үл хамааран нөхөрлөлөө хадгалсаар байгааг жүжигчин бүсгүй саяхны ярилцлагадаа дурджээ. 

Цар тахлын улмаас гурван жил уулзалдаагүй байсан тэд саяхан Лос-Анжелест эргэж уулзсан гэнэ. Энэ тухай Кейт Уинслет The Guardian сонинд өгсөн ярилцлагадаа "Би зогсолтгүй уйлсаар л байсан... би түүнийг амьдралынхаа тал хугацаанд мэднэ. Өнгөрсөн жилүүдэд би Нью-Йоркт, тэр Лондонд байсан юм биш ээ. Бас оройн хоол хамт идэж эсвэл кофе уух боломж байгаагүй. Ковидын улмаас дэлхий дахинд хүмүүс ямар байдалтай байгаа билээ тэрэнтэй л адил бидэнд эх орноосоо гарч, ийш тийшээ явах боломж гарсангүй. Бид бие биенээ маш их санасан байсан" гэж ярьжээ. 

Тэд 1997 онд "Титаник" кинонд Жэк, Рөүзийн дүрийг хамтран бүтээснээс хойш нөхөрлөж эхэлсэн бөгөөд 2008 онд "Revolutionary Road" кинонд эхнэр, нөхрийн дүрийг бүтээж байсан юм. 

Алдарт "Титаник" кинонд тоглож байхдаа Кейт Уинслет 21 настай, Леонардо Ди Каприо 22 настай байсан бол өдгөө тэд 46,47 настай билээ. 

"Тэр миний дотны найз, бид насан туршдаа холбогдсон хүмүүс" гэж Кейт Уинслет 25 жилийн нөхөрлөлийнхөө талаар ярьсан байсан. 

Эх сурвалж: The Guardian

Ub.life 2021.12.27

2