Английн Бирмингхэмийн их сургуулийн хийсэн судалгаагаар хөгжим ажлын бүтээмжийг эрс нэмэгдүүлдэг нь батлагджээ. Цахим шуудан шалгах, төлөвлөгөө боловсруулах гэх мэт үедээ хөгжим сонсох нь ажлын бүтээмжийг эрс нэмэгдүүлдэг аж. Гэвч энэ нь ямар ч хамаагүй хөгжим, дуу сонсож болно гэсэн үг биш. Судалгаанаас үзвэл байгалийн чимээ орсон, хэт түргэн хэмнэлгүй, үггүй сонгодог хөгжмийн аязууд анхаарал төвлөрөхөд хамгийн сайн нөлөөлтэй. Бүх насны хүмүүст зориулсан, хичээл хийх болон ажлаа хийж байх үедээ сонсоход тохиромжтой нэгээс дээш цаг үргэлжлэх арван аязыг зориулж байна.
