Том Холланд гол дүрийг нь бүтээсэн "Uncharted" ирэх сард нээлтээ хийнэ
Өнгөрсөн 2021 онд романаас сэдэвлэсэн "Chaos Walking", "Cherry" гэх хоёр кино, дэлхий даяар шуугиан тарьсаар буй "Spider-Man: No Way Home" киноны гол дүрийг бүтээсэн жүжигчин Том Холландын "Uncharted" шинэ кино ирэх сард нээлтээ хийх тухай "Columbia Pictures" мэдээллээ. Найруулагч Рубен Флейшерийн эл бүтээл нь ижил нэрт цуврал видео тоглоомоос сэдэвлэсэн бөгөөд эрдэнэсийн ангууч Натан Дрэйкийн нууцлаг адал явдлыг өгүүлэх юм.
Том Холланд дүрээ бүтээхээр Лондон дахь ресторанд ажиллан, бармений дадлага хийсэн гэнэ.
"Spider-Man: No Way Home" нээлтээ хийсний дараахан Том Холланд Марвел студийн дараагийн шинэ бүтээлд Хүн-Аалзын дүрээр ахин тоглохоо мэдэгдээд буй. Мөн АНУ-ын нэрт жүжигчин Фред Астерийн намтраас сэдэвлэсэн шинэ бүтээлд тэрээр гол дүр бүтээх бөгөөд зураг авалт хараахан эхлээгүй аж.
Эх сурвалж: Columbia Pictures