Бээжинд анхны омикрон хувилбар Канадын шуудангаар зөөвөрлөгдөн халдварласан гэв
Бээжинд тархаад буй коронавирусийн омикрон хувилбар анх олон улсын шуудангаар зөөвөрлөгдөн халдварласан тухай тус хотын Эрүүл мэндийн байгууллага мэдээллээ. АНУ, Хонгконгт ихээр тархсан уг хувилбар нь эдгээр улсаар дамжин Канадын шуудангаас Бээжинд нэвтэрсэн гэж үзжээ.
Бээжингийн Халдварт Өвчнөөс сэргийлэх төвийн дэд захирал Дан Синхуо "Анхны омикрон хувилбараар өвчлөгч хилийн чанадаас ирсэн эд зүйлстэй харилцсан нь тогтоогдсон" гэжээ. Тус төв нь олон улсаас ирсэн 54 багц эд зүйлсийг шинжлэхэд омикрон вирус илэрсэн гэнэ.
Харин Канад улсын Эрүүл мэндийн яамнаас эд зүйлс дээрх коронавирус олон цаг халдварлах шинжээ хадгалан орших боломжгүйг мэдээлээд байна. Канадын Эрүүл Мэндийн сайд Жан-Ив Дуклас Хятадын дээрх мэдэгдэлд хариу өгөхдөө "Маш гайхмаар мэдээлэл байна. Би мэргэжлийн эмч, биологич биш ч мэргэжлийн хүмүүсээр энэ тухай дэлгэрүүлэн судлуулах болно" гэжээ.
Дэлхийн Эрүүл Мэндийн байгууллагаас омикрон хувилбарын эд зүйлсээр халдварлах шинж чанарын тухай тодорхой мэдээлэл гаргаагүй ч коронавирус нь гадаргуун дээр 2 цагаас 9 хоногийн зайтай орших боломжтой, амьдрах хугацаа нь гадаргууны төрөл, дулаан, чийгшил, вирусийн өвөрмөц омог гэх мэт олон хүчин зүйлсээс хамаарах тухай мэдээлсэн байна.
Эх сурвалж: South China Morning Post
booomer 2022.01.24 202.131.225.20
ai horvoo
0 0 Хариулах