"Монгол цэргийн өдөр", Зэвсэгт хүчний 95 жилийн ой гуравдугаар сарын 18-нд болно. Энэ өдрийн хүрээнд 2016.03.14-ий 12.00 цагт "Монгол цэргийн музей"-д дундад зууны үед монгол цэргүүдийн эдэлж хэрэглэж байсан гархин хөө хуяг, дуулга, бамбай, нум сум бусад зэр зэвсгээс өнөөдрийн цэрэг эрсийн эдлэл хэрэглэл хүртэлхийг дэлгэн харуулах бол 15-ны 12.00 цагт "Монгол цэргийн музей" байгуулагдсаны 50 жилийн ойн арга хэмжээ болох аж.
16-ны 11.30 цагт Нийслэлийн ЗДТГ болон Нийслэлийн цэргийн штабаас "Гурван үеийн уулзалт"-ыг Соёлын төв өргөөнд зохион байгуулж, 17-нд нийслэлийн таван цэгээс Д.Сүхбаатарын талбай хүртэл Улаанбаатар цэргийн хүрээний анги, байгууллагын үлээвэр хөгжимчид хөгжимтэй парад алхах юм байна. Түүнчлэн уламжлал ёсоор төр, засгийн удирдлагууд, БХЯ, ЗХЖШ-ын удирдлагууд жанжин Д.Сүхбаатарын хөшөөнд цэцэг өргөж, Чингис хааны хөшөөнд хүндэтгэл үзүүлэн, баярын хурал, хүндэтгэлийн тоглолт, Монгол бөхийн өргөөнд хүчит бөхийн барилдаан зохиогдох юм байна.
