Burnout | Ажлын архаг стресст өртөх дундаж нас 32
Сүүлийн жилүүдэд дэлхий даяар хурдтай өсөн нэмэгдэж буй Burnout буюу ажлаас халшрах хам шинжийн товч анкетыг хүргэж байна.
Нэр: Burnout (ажлаас халшрах хам шинж)
Нас: 1974 онд анх нэрлэгдсэн
Гадаад байдал: Ядарсан, нойр муутай, анхаарал төвлөрөл муу, амархан цухалддаг
Сэтгэл гутралтай адилхан сонсогдож байна? Шинж тэмдгийн хувьд төстэй ч энэ нь бүхэлдээ ажил, мэргэжилтэй холбоотой асуудал юм.
Ажилтай холбоотой гэнээ? Тийм ээ, энэ нэр томъёог сэтгэл судлаач Герберт Фрейденбергер "Ажлаас үүдэлтэй сэтгэцийн болон бие махбодын ядаргаа" гэж тодорхойлсон байдаг.
Гайхах зүйл алга. Урт хугацааны стресс, ажлын хэт их ачаалал Burnout-д хүргэх нь гарцаагүй. Заавал урт хугацаанд үргэлжилсэн байх албагүй гэж үздэг болсон.
Тийм гэж үү? Сүүлийн үеийн судалгаагаар хүмүүс дунджаар 32 насандаа Burnout-д ордог гэж үзэж байна.
Шалтгаан нь юу юм бол? Товчхондоо, олон цагаар ажилладаг эсвэл ажилдаа шаргуу ханддаг хүмүүс Burnout-д орох магадлал ихтэй.
Хүмүүс үүнтэй яаж тэмцэж байна вэ? Залуучууд бясалгал, йога хийх нь нэмэгдэж байна. Мөн байгууллагууд ажилчдаа сэтгэл зүйн эрүүл мэндээ сайжруулахад чиглэсэн сургалтанд хамруулаасай гэж хүсдэг хэмээн судалгааны оролцогчдын 25 хувь нь хариулсан байна.
Зарим хүмүүс эсрэгээрээ ачаалал багатай ажилласнаас болж Burnout-д ордог гэж сонсож байсан? Яг ч тийм биш л дээ.
Тэгвэл? Та “bore-out”-ийн талаар ярьж байх шиг байна. Хүмүүс хангалттай ажиллахгүй байгаагаас болж сэтгэл гутралд орохыг ингэж нэрлэдэг. Тиймээс Burnout-аас ялгаатай ойлголт юм.
Эх сурвалж: The Guardian