Хайх зүйлээ бичнэ үү

1 мин

Соёлын наадам 14 дэх жилдээ амжилттай зохион байгуулагдлаа


Үндэсний их баяр наадмын хүрээнд  Монгол нүүдэлчний өв соёл, ардын урлагийг гадаад дотоодод сурталчлах, наадмын соёлын үйлчилгээний хүрээг өргөтгөх зорилготой “Соёлын наадам” 2022 оны 7 дугаар сарын 11-12-нд  Хүй долоон худгийн “Монгол наадам” цогцолборт амжилттай зохион байгуулагдлаа.Тус наадмыг Үндэсний их баяр наадмыг зохион байгуулах хороо, Соёл Урлагийн Их Сургууль (СУИС), Монголын Урлагийн Зөвлөл (МУЗ), “Монгол Наадам” цогцолбор, Улаанбаатар хотын Захирагчийн ажлын алба хамтран зохион байгуулж, соёлын өвийг дэмжигч “Рио Тинто Монгол” компани ивээн тэтгэсэн билээ.

Энэ жилийн “Соёлын наадам”-ыг эрхэмсэг оршихуй, ижилсэн эвлэхүй, бахдан омогшихуй гэсэн наадмын нэгдсэн үзэл санаан дор Монгол улсаас ЮНЕСКО-д бүртгүүлсэн соёлын биет болон биет бус өв, Монголчуудын эрхэмлэн дээдлэх үнэт зүйлсэд тулгуурлаж бүтээсэн онцлогтой. Тухайлбал, “Цэнгэлийн манлай” нээлтийн тоглолт, “Их гэр” зан үйл-уран сайхны тоглолт, “Эрийн гурван наадам” театрчилсан тоглолт, “Боржигон соёлын гэр”, “Баруун Монгол гэр”, “Казах үндэсний гэр”, “Ардын уламжлалт тоглоом наадгай”, “Нүүр будалт”, “Уран бичлэг”, “Эсгий урлал”, “Монгол угсаатны хувцас”, “Улаан гэр” бүтээлч өртөө, “Нум сумын харваа”, “Хөхүүрийн айраг”, “Зэв” дижитал музей, “Салхин ариусал” өрөг урлал зэрэг оролцоот өртөөнүүд болон “Аварга Монгол” баримлуудтай зураг татуулах, “Морьтны гайхамшиг” шоу үзэх зэрэг хөтөлбөрүүдтэй зохион байгууллаа. 

Наадмын бэлтгэл ажилд 250 гаруй багш, уран бүтээлчид, оюутан сурагчид, ажилчид оролцож, нийт 10,000 гаруй хүнд хүрсэн байна.

Дээрх зан үйл, уран сайхны үзүүлбэр, өртөө зэргээр наадамчин олон саатахдаа үзэгч төдий биш, оролцогч болж соёлын өвөөсөө суралцан наадмын өдрүүдийг дурсамжтай өнгөрүүллээ. 

Дараа жилийн “Соёлын Наадам”-аар дахин уулзацгаая.

Хамгийн их уншилттай
1
2022.07.26
Видео: Лэйди Гага руу тоглолтын үеэр шидсэн зүйл үл үзэгдэх хамгаалалтад ойжээ
2
2022.07.22
Сургууль руу халдаж магадгүй хэмээн сэрэмжилж өөрийн хүүгээ цагдаад мэдэгджээ
3
2022.07.15
Крис Хемсворт Натали Портмантай үнсэлцдэг хэсгийн зургийг авалтад орохын тулд махнаас т...
холбоотой мэдээ
1
Өчигдөр
Найруулагч М.Батболд АНУ-ын зохиолч Жон Патриктай хамтарна
2
3 өдрийн өмнө
УРЛАГ | Голын эрэгт ус зарахын үлгэр буюу гурван феминист
3
2022.08.04
Яруу найрагч Д.Галсансүхийн хос пянз худалдаанд гарчээ
санал болгох
1
1 цагийн өмнө
Машинаа засуулах газраа сонгохдоо анхаарах ТАВАН зүйл
2
1 цагийн өмнө
Зөвхөн харшилтай хүмүүсийн "чин зүрхнээсээ" ойлгох 17 зүйл
3
22 цагийн өмнө
СУДАЛГАА | Чинээлэг, ядуу хүмүүсийн хоорондох нөхөрлөл ядуурлыг бууруулдаг

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.