Винсент Ван Гогийн уран зургийн ар талаас өөрийнх нь "нууц" хөргийг олжээ
Шотландын Үндэсний музейн судлаачид шинэ үзэсгэлэнд зориулан Винсент Ван Гогийн 1885 оны “Head of a Peasant Woman” зургийг рентгенээр шалгах явцдаа ар талаас нь Ван Гогийн өөрийнх нь хөргийг олж харжээ.
Ван Гог мөнгө хэмнэх үүднээс нэг хавтанг хэд хэдэн удаа ашигладаг байсан бөгөөд эл зургийн хоёр талд ийнхүү зураг зурсан ч өнөөг хүртэл ар талын зургийг нь хэн ч анзаараагүй нь гайхмаар. “Хорвоогоос хальсан дэлхийн алдарт зураачийн шинэ бүтээлийг нээн олох нь маш ховор тохиолдол” хэмээн музейн эрхлэгч дурджээ.
Урд тал:
Ар тал:
Эл зургийг 1905-аад онд Амстердам хотын музейд байршуулах үедээ нутгийн эмэгтэйг дүрсэлсэн хэсгийг нь хамгаалах үүднээс ар талыг нь олон давхар цавуугаар давхарлан наажээ.
Нэргүй хөрөг зургийг үндсэн зургаас салгаж чадвал бие даасан бүтээл хэлбэрээр чамгүй өндөр үнэлэгдэх нь гарцаагүй.
Дашрамд дурдахад, энэ оны эхээр Сандро Боттичеллигийн 40 сая ам.долларын үнэ бүхий "Man of Sorrows" уран зургийн ар давхаргаас "Madonna and Child" уран зургийг судлаачид нээсэн билээ.
Эх сурвалж: CNN
Бэлтгэсэн: Т. Зулаа