10 тэрбум долларын үнэтэй Жеймс Вэбб телескоп гэмтжээ
НАСА-ын 2019 оноос сансарт хөөргөж огторгуйг тандан судлах шинэ үеийн өндөр хүчин чадалтай дуран болох Жеймс Вэбб гэмтэл авсан тухай мэдээлэл цацагдлаа.
Нийт 10 тэрбум долларын үнэ өртгөөр бүтсэн энэхүү төслийн санаачилга 1996 онд эхэлсэн ба Европын Сансрын Агентлаг, Канадын Сансрын Агентлагууд мөн үүнд жинтэй хувь нэмрийг оруулсан билээ.
Мөн бидэнд сансар огторгуйн гайхалтай дүр төрхийг харуулж, дэлхий дахиныг шуугиулсан юм.
Гэвч өнгөрсөн тавдугаар сард сансрын жижигхэн чулуу гэмтэл учруулсан байх магадлалтай гэж тэд үзэж байна.
3 грамм алтаар бүрсэн, ойрын ба дундын зайны хэт ягаан туяаг ойлгох зориулалттай 18 ойлгогч толины нэг болох C3 толь үүний улмаас гэмтсэн байна.
Үүнээс гадна таван өөр төрлийн гэмтэл ажиглагдсан ч C3 толины гэмтэл хамгийн ноцтой байгаа гэнэ. Мөн үүнийг засах боломжгүй гэжээ.
Гэвч азаар дуран үргэлжлүүлэн хэвийн ажиллаж байгаа бөгөөд Forbes-ийн зүгээс "Судлаачид ирээдүйд энэ төрлийн гэмтэл дахин авахгүй байх тал дээр гаргалгаа олох байх" хэмээн бичжээ.
Эх сурвалж: News.sky