1 мин

Том Харди тулааны урлагийн тэмцээнд нууцаар орж, ЯЛАГЧ болжээ

Г.Сүрэн 2022.09.22

45 настай Британийн нэрт жүжигчин Том Харди Британид зохион байгуулагдсан 2022 оны Аварга шалгаруулах бразил жьюжицүгийн нээлттэй тэмцээнд нууцаар орон, хоёр ч алтан медалийн эзэн болжээ.

"Хүмүүс түүнийг таньсан ч тэр маш даруухан байсан. Түүнтэй хамт гэрэл зураг даруулах боломж гарсанд маш их баяртай байна. Тэр өөрийн цэвэр арга хүчээр тэргүүн байрт орлоо" гэж тэмцээний зохион байгуулагч хэлжээ.

Том Харди бүх тоглолтдоо цэвэр ялалт байгуулсан бөгөөд тэргүүн байрын шагналыг гардан авахад сертификат дээр нь "Эдвард Харди" гэх түүний жинхэнэ нэр бичигджээ.

"Mad Max: Fury Road", "Dunkirk", "The Dark Knight Rises" зэрэг дөчөөд кинонд дүр бүтээгээд буй нэр жүжигчин Том Харди 2011 онд "Warrior" кинонд тулаанч эрийн дүрийг бүтээхдээ бразил жьюжицүгээр хичээллэж эхэлжээ. Тэр тухайн кинонд тоглохдоо булчингийн массаа 28 фунтээр нэмж, жьюжицүгийн цэнхэр бүсийг эзэмшиж байв.

"Тулааны урлаг дүрүүдээ бүтээхэд минь болон өөрийгөө бүтээхэд минь тусалсан" гэж Том Харди хэлсэн удаатай.