2022 оны Дэлхийн аварга шалгаруулах тэмцээнд Лионель Мессигийн ахалсан Аргентины шигшээ багийг 2:1 оноотойгоор буулган авсан улсынхаа шигшээ багийн амжилтыг тохиолдуулан Саудын Арабын хаан Салман энэ Лхагва гарагийг /2022.11.23/ бүх нийтийн амралтын өдөр болгон зарлажээ.
Хаан Салман "Маргааш буюу лхагва гарагийг төрийн болон хувийн хэвшлийн бүх салбарын ажилтан, албан хаагч, боловсролын бүх шатанд суралцагчдын амралтын өдөр болгон үндэсний баяр болгохыг үүрэг болголоо" хэмээжээ.
Лионель Месси "Аргентины шигшээ баг Саудын Арабт хожигдсон нь маш хүнд цохилт болсон ч Өмнөд Америкийн аваргууд илүү том амжилтаар эргэн ирэх болно. Саудын Арабын баг бөмбөгөө маш чадварлаг удирддаг сайн тоглогчидтой баг. Үүнийгээ ч өмнө нь бататгаж байсныг бид сайн мэднэ. Бид одоо багийн ур чадвараа батлан харуулах болно. Бид бууж өгөхгүй. Одоо Мексикийг ялахыг хичээх болно" гэжээ.
Эх сурвалж: The Athletic
