Жастин Бибер БҮХ дууныхаа зохиогчийн эрхийг 200 сая ам.долларт зарлаа
Дуучин Жастин Бибер өөрийн 15 жилийн турш бүтээсэн, зохиосон 290 дуу бүхий каталогийн зохиогчийн эрхийг хөгжмийн хөрөнгө оруулалтын "Hipgnosis" компанид 200 сая ам.доллароор худалдаалсан талаар BBC мэдээллээ. Тус компани цаашид Жастин Биберийн бүх алдартай дуу, цомгуудын ашиг орлогыг хүртэх юм.
Жастин Бибер одоогоор энэ талаар ам нээгээгүй ч хуучин дуу цомгоо ард үлдээн, 2023 онд цоо шинэ дуу хөгжим бүтээхээр төлөвлөж буй талаар фенүүд нь таамаглаж байна.
Сүүлийн жилүүдэд уран бүтээлчид зохиогчийн эрхээ худалдаалах нь нэмэгдсээр байгаа бөгөөд Жастин Тимберлейк, Шакира нар саяхан "Hipgnosis"-тэй гэрээ байгуулсан юм.
"Hipgnosis"-оос "Жастины хөгжмийн сан яг л алт, газрын тос мэт үнэ цэнтэй. Сүүлийн 15 жилд Жастины дэлхийн соёлд үзүүлсэн нөлөө үнэхээр гайхалтай" гэжээ. 21-р зууны хамгийн их борлуулалттай уран бүтээлчдийн нэгд зүй ёсоор тооцогддог Жастин Бибер цаашид тайзнаа өөрийн 2023 оноос өмнө бүтээсэн дууг дуулах бүрт ашиг орлого нь "Hipgnosis" компанид шилжих болно.
Эх сурвалж: BBC