Нидерландын зураач, барокко урсгалын нэрт төлөөлөгч Антонис ван Дейкийн зураг “Sotheby's”-ийн дуудлага худалдаан дээр гурван сая ам.доллароор зарагджээ. XX зууны сүүлчээр АНУ-ын Нью-Йорк муж дахь нэгэн фермийн агуулахад хэвтэж байхад нь Алберт Робертс нэртэй эрхэм 600 ам.доллар төлөөд авч байсан түүхтэй аж. Уран зураг цуглуулагч А.Робертс цуглуулгаа “үл тоогдож орхигдсон урлагийн бүтээлүүдийн асрамжийн газар” хэмээдэг байж.
Нүцгэн эр явган сандал сууж байгааг дүрсэлсэн уг бүтээлийг 1615-1618 оны хооронд зурсан гэж шинжээчид үзэж буй. Антонис ван Дейкийн зураг гэдгийг тогтоогоод удаагүй байгаа бөгөөд эдүгээ Роттердамын музейд хадгалагдаж буй “Гэгээн Иером” нэртэй зургийнх нь “хар зураг” аж.
Эх сурвалж: CNN
