Хайх зүйлээ бичнэ үү

2 мин

Зөвлөгөө: Долоо хоногт ядаж нэг удаа уйлж байя


Та нэг сайхан дуу сонсоод эсвэл кино үзээд уйлж, түүний дараа хамаагүй аз жаргалтай, хөнгөн мэдрэмж авч байсан бол сайхан уйлахын хүч чадлыг мэдэх нэгэн байна. Ахлах сургуулийн багш, "намида сэнсэй" буюу нулимсны багш гэх нэрээрээ алдаршсан Хидэфүми Ёошида сургуулиудаар зургаан жилийн турш уйлахын ач тусыг ярьж, түгээж явсан байна.

Japan Times-д өгсөн яриандаа тэрбээр, "Уйлах нь инээх болон унтахаас ч илүүтэйгээр стрессийг үгүй хийдэг. Долоо хоногт ядаж ганц удаа уйлбал та стрессгүй амьдралаар амьдрах боломжтой" хэмээжээ.

2014 онд Ёошида Тохо их сургуулийн Анагаахын факультетын профессор Хидэхо Аритатай хамтран уйлах нь хэрхэн стресс үгүй хийдэг тухай судалгааг эхлүүлжээ.


Япон улс амиа хорлолтын тоогоороо Өмнөд Солонгос болон ОХУ-ын ард гуравдугаарт бичигддэг. Мөн дийлэнх нь эрэгтэйчүүд байдаг бөгөөд амиа хорлолтын бараг 90 хувь нь сэтгэл гутрал, стрессээс үүдэлтэй. Харин уйлах үед хүн сэтгэл дотор хуралдаж байсан асар олон зүйлийг гадагшлуулж, дотроо тээн шаналахаа больдог байна. Тийм учраас нулимсны багш ахлах сургуулиуд болоод томоохон компаниудаар явж өөрийн лекцийг тавьж, уйлахын ашиг тусыг улам бүр ойлгуулахаар хичээж байгаа аж.

Нэгэн судалгаагаар 30 гаруй орныг хамруулсан бөгөөд оролцсон хүмүүсийн 70 гаруй хувь нулимс дуслуулж, уйлсныхаа дараа хамаагүй дээрдэж, идэвхтэй болсон гэжээ. Мөн хүнд хэцүү асуудлууд аажмаар багасч, хаа хамаагүй бодлууд нь арилсан гэдгийг ч дурдсан байна.


Рамсигийн анагаахын төвийн доктор Виллиам Фрэй "Амьсгал гаргах, бие засах, хөлрөх зэрэг нь бүгд биеэс хорт бодисыг гадагшлуулах процесс. Мөн уйлах нь яг үүнтэй адил стресс болоод хүнд хэцүү мэдрэмжүүдийг гадагшлуулах процесс юм" хэмээн New York Times-д өгсөн яриандаа дурдсан байдаг.

Тэгэхээр бүгдээрээ долоо хоногт ядаж нэг удаа ч болтугай нулимс гаргаж, сэтгэлээ хөнгөлж байгаарай.

Хамгийн их уншилттай
1
2024.05.31
“Balenciaga”-ийн 50 настай монгол модель Г.Гансүхийн тухай 7 БАРИМТ
2
2024.06.10
Монголын шигшээгийн ахлагч Х.Цэнд-Аюушийн нинжин сэтгэлийг дэлхий даяар сайшаав
3
2024.06.13
Фото: Эмэгтэйчүүдээ алдахгүйн тулд эрэмдэглэсэн Апатани омгийнхны амьдрал
холбоотой мэдээ
1
2024.06.19
Хэчнээн завгүй байсан өөрийгөө амраахын тулд энэ зун заавал хийх 5 зүйл
2
2024.06.18
Амьдралын агшин бүрийг мэдрэхэд чинь туслах 5 зөвлөгөө
3
2024.06.12
ЭЕШ өгөх сурагчдын заавал унших үгс
санал болгох
1
4 өдрийн өмнө
Зургаадугаар сард орж буй цасны тухай хөгжилтэй 18 пост
2
4 өдрийн өмнө
Playlist: Цас бороотой бүрхэг сэрүүхэн өдөр сонсох 10 дуу
3
2024.06.20
Гүн хар мэдрэмжээс чөлөөлөгдөхөд чинь туслах үгс

Энэ мэдээнд өгөх таны сэтгэгдэл?
0
0
0
0
3
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.