95 дахь удаагийн Академийн шагнал гардуулах ёслолд хүрэлцэн ирсэн дуучин, жүжигчин Лэди Гага энэ үдэш олны анхаарлыг хэдэнтээ татав.
Улаан хивсний ёслолын үеэр түүний зургийг дарж байсан зурагчдын нэг бүдэрч унахыг харсан тэрбээр туслахаар яаравчилжээ.
Зурагчин эр түүнийг очихоос урьтаж боссон бөгөөд Лэди Гага мөрөн дээр нь гараа тавин зүгээр эсэхийг нь асуухад тэрбээр дуучинд талархсанаа илэрхийлжээ.
Лэди Гагагийн анхаарал татсан үйлдэл үүгээр дууссангүй. Тэрбээр Улаан хивсний ёслолд Versace брэндийн хар даашинзаар гангарсан билээ. Харин Оскарын тайзнаа "Hold My Hand" дуугаа дуулахдаа жинс, сникерс өмсөн энгийн хувцасласан байв.
Эх сурвалж: Daily Mail
