Хайх зүйлээ бичнэ үү

2 мин

Яах гээд байгаа нь мэдэгдэхгүй хаврын цагт арьсаа аятайхан байлгах 7 арга


Өглөө түрхсэн тос өдөртөө хуурайшуулаад, арьс өнгөө алдаж тослогтоод "нэг л биш" байна уу? Дээрээс нь сэтгэл санаа галзуу хулгана шиг дээш доош эргэлдэж, байдлыг бүр ч хүндрүүлж байна уу? Тэгвэл дараах зөвлөгөөнүүдийг хэрэгжүүлээд үзээрэй. Цаг агаар ямар ч байсан өөртөө итгэлтэй алхана шүү!

1. Гүн цэвэрлэгээ тогтмол хийх 

Хаврын улиралд нарны хэт ягаан туяа ихэсдэг тул арьсны тослог нэмэгддэг. Тиймээс энгийн үеэс илүү гүн цэвэрлэгээг тогтмол хийх хэрэгтэй. Илүү хүчтэй, хөнгөн бүтэцтэй угаагч, цэвэрлэгч хэрэглэх нь арьсыг амраах, эрдэс бодисоор хангах болно. Ингэхдээ өөрийн арьсанд тохирсон чанартай бүтээгдэхүүн сонгоорой. Шаардлагатай бол өмнө нь хэрэглэдэг бүтээгдэхүүнээ өөрчилж ч болох юм. 

2. Хөөсөн цэвэрлэгч хэрэглэх 

Хаврын улиралд шороо шуурч, тоосжилт нэмэгддэг. Тиймээс будгаа арилгасны дараа хөөсөн цэвэрлэгээгээр жижиг бохирдол, нарийн тоос шороог арилгаж байгаарай. 

3. Гуужуулагчтай “нөхөрлөх”

Арьсыг долоо хоногт 2-3 удаа гуужуулах нь хаврын улиралд нэн тустай. Үхэжсэн арьсыг унагаах, эрүүл арьсыг гаргаж ирэх гээд сайрталт, хуурайшилтыг үгүй хийх болно. Хамгийн чухал нь гуужуулагчийг хүчтэй үрж хэрэглэлгүй, арьсыг гуужуулсны дараа сайтар чийгшүүлж, тос түрхэж байх хэрэгтэй. 

4. Нарны тос түрхэх

Нарнаас арьсаа хамгаалахын тулд жилийн дөрвөн улиралд тохирох нарны тосыг хэрэглэж байгаарай. SPF 15 гэсэн бичигтэй тос 225 минут, SPF 30 нь 450 минутын турш нарны хэт ягаан туяанаас арьсыг хамгаалах шидтэй. 

5. Праймер хэрэглэх

Хаврын тоос шороо ихтэй үед нүүрний крем, энгэсэг тостой хамт нүүрэнд шингэх аюултай. Тиймээс праймер буюу нүүрний суурийг түрхэж арьсаа хамгаалахын зэрэгцээ, будалтаа удаан тогтоогоорой.

6. Гоо сайхны бүтээгдэхүүнээ шинэчлэх

Хаврыг угтан өөртөө шинэчлэл хийгээрэй. Гоо сайхны бүтээгдэхүүнүүдээ гаргаад эхнээс нь хугацаа нь дууссан, муудсан бүтээгдэхүүнүүдийг ялгаж хаяарай. Сормуусны будгийг 4 сар, нүдний тень, хүрээлэгч, контурыг 1 жил, пудрийг 10 сар, тослог кремийг 13 сар л хэрэглэх заалттай байдаг. 

7. Илүү их ус уух

Дулааны улиралд хүний бие нозоорох, ядрах хандлагатай байдаг тул цэвэр буцалсан ус ууж биеэ эрүүлжүүлж, цэвэрлээрэй. Энгийн үед уудаг усаа хэдхэн аягаар нэмэгдүүлэхэд л хангалттай. 

Хамгийн их уншилттай
1
2024.03.17
“Монгол түйрэн” маргааш ирнэ гэж БНСУ-д анхааруулав
2
2024.04.08
Хөрөг | “Ганцхан чи л чадна” гэж насаар минь итгэж, тод байлгав
3
2024.03.29
Кёкүшюүзан: Би Хакүхогийн төлөө тэмцэнэ
холбоотой мэдээ
1
2 цагийн өмнө
"Soulmate"-ээ өөртөө татах 5 арга
2
5 цагийн өмнө
XAOS – экспериментал хөгжим, дүрслэх урлагийн олон улсын наадам болно
3
6 цагийн өмнө
Энэ 7 хоногийн онцлох эвентүүд: Сэтгэлийн хөг, Аясын салхи, Nis Nis
санал болгох
1
2024.04.11
Сэтгэл зүйчид хандах цаг нь болжээ гэдгийг батлах 7 шинж тэмдэг
2
2024.04.10
Хүмүүсийн дахиж хэзээ ч үзэхгүй гэж ам тангараг өргөсөн 15 аймшгийн кино
3
2024.04.10
Таныг хувь тавилан гэж байдагт итгүүлэх 16 зурагт хайрын түүх

Энэ мэдээнд өгөх таны сэтгэгдэл?
0
0
1
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.