1 мин

Дэлхийн хамгийн өндөр настай нохой 31 насны төрсөн өдрөө тэмдэглэлээ

О.Анхзаяа 2023.05.24

Дэлхийн хамгийн хөгшин нохойг Боби гэдэг бөгөөд саяхан 31 насны төрсөн өдрөө тэмдэглэлээ. Түүний төрсөн өдөрт 100 гаруй хүн хүрэлцэн ирж, бүжгийн хамтлаг хүртэл ирж үзүүлбэр үзүүлсэн гэнэ.

Бобигийн эзэн Леонель Коста нохой нь маш их хүмүүсийн анхаарал татаж, дэлхийн өнцөг булан бүрээс нохойных нь зургийг дарж, нийтлэл бэлдэхээр сэтгүүлчид холбогдож байгаа тухай ярьжээ.

Бобигийн эрүүл мэнд маш сайн бөгөөд тогтмол эмчийн үзлэгт хамрагддаг гэнэ. Түүнийг хүмүүс маш онцгой нохой гэдгийг онцлон ярьсан бөгөөд эзэд нь аль болох тайван, амар амгалан орчинд байлгахыг эрмэлздэг аж.

Rafeiro do Alentejo хэмээх үүлдрийн тус нохой ихэнхдээ 12-14 насалдаг гэнэ. Бобигоос өмнө хамгийн урт насалсан ижил үүлдрийн нохойгоор 1939 онд өөд болсон Блуи гэх 29 настай нохой нэрлэгддэг байна.

Дэлхийн хамгийн өндөр настай муураар 27 настай Флосси гэх муур нэрлэгджээ. Хүний насаар бол 120 орчим настай гэнэ шүү.