Жүдо бөхийн Улаанбаатар Их дуулга тэмцээн 6-р сарын 23-25-ний өдрүүдэд болно. Тус тэмцээнд оролцохоор 22 улсын 120 жүдоч мэдүүлгээ ирүүлээд байгаа аж. Тэдний дунд дэлхийн аварга Криста Дэгүчи, Маттиас Кассэ тэргүүтэй шилдгүүд багтаж буй.
Улаанбаатар Их дуулгад оролцох АНЭУ-ын бүрэлдэхүүнд Б.Алтанцэцэг, Б.Хорлоодой, Б.Нармандах нарын гурван Монгол жүдоч багтжээ. Б.Нармандах, Б.Хорлоодой нар ирэх сард тус улсын нэрийн өмнөөс анхны тэмцээндээ зодоглох юм. Харин Б.Алтанцэцэг өнгөрсөн оны Токиогийн Их дуулга тэмцээнээс эхлэн долоон тэмцээнд тус улсыг төлөөлөн оролцоод байгаа билээ.
Харин Монголын шигшээ багаас тус тэмцээнд оролцох бүрэлдэхүүнийг хараахан зарлаагүй байгаа юм.
