1 мин

Өглөө эрт босож чаддаггүй бол 90 минутын "snooze" ашиглахыг зөвлөжээ

Г.Сүрэн 2023.05.25

Өглөө эрт босох хүн бүрийн хувьд амархан зүйл биш ээ. Эрт унтсан ч өглөө эрт босох хүнд хэцүү санагдаж, өглөө нүдээ нээмэгцээ л ядарснаа мэдэрч, сэрүүлгээ "snooze" товчоор хойшлуулсаар унтсан унтаагүйн хооронд бүр ч их ядарчихдаг уу? Тэгвэл АНУ-ын Виржини мужийн бүлэг судлаач эмч нар хүний унтлагын 90 минутын үед тохируулан сонирхолтой судалгаа явуулжээ. Өглөө эрт босоход хүндрэлтэй хүмүүст нойрны үе шатыг тайлбарлан өгч, 90 минутын хугацаатай хоёр сэрүүлгээр үр дүнтэй сэрэхийг зөвлөсөн байна.

Хүний нойрны нэг үе 90 минут үргэлжилдэг тул өглөө сэрэх цагаасаа 90 минутын өмнө сэрүүлэг тавьж, эргэн унтаад, 90 минутын дараа ахин нэг сэрүүлгээр сэрэх нь таныг илүү амарч, нойр авсан, сэргэг сэргэлэн сэргээх тустай гэнэ. Өглөөдөө та 5,10,15 минутаар сэрүүлгээ хойшлуулдаг бол тэр хугацаанд та нойр авч огт чаддаггүй бөгөөд ингэж сэрүүлэг тавьснаас сэрмэгцээ шууд л босох хэрэгтэй юм.

Жишээ нь, өглөө та 8 цагаас босох бол 6:30-д эхний сэрүүлэг, 8:00-д дараагийн сэрүүлгээ тавих хэрэгтэй. Мэдээж хүн 5-6 удаагийн 90 минутын нойр авч байж бүрэн амарч чаддагийг бүү мартаарай.

Унтах цагаа тооцоолохдоо sleepcalculator.com сайтаар тооцон сэрэх цагаа тохируулж ч болох юм.

Эх сурвалж: Healthline