Интроверт хүмүүс заримдаа буруугаар ойлгогддог ч энэ бол тэдний хувьд байгаагаараа байгаа нь л энэ юм. Үүнийгээ бусдад ойлгуулахыг хичээдэг ч нэг л болж өгдөггүй. Зөвхөн дотогшоо хүмүүс л ойлгох эдгээр мэдрэмжүүд танд ч бас төрдөг үү?
1. Олон нийтийн үйл ажиллагаанаас зайлсхийдэг
Гурав болон түүнээс дээш хүнтэй арга хэмжээнээс зайлсхийдэг. Интровертууд олон хүнтэй харилцахын оронд хэдхэн сайн найзтай байхыг чухалчилдаг. Заримдаа тэдэнд хүнсний дэлгүүр орох нь хүртэл маш хэцүү байдаг.
2. Цаг баримтлах нь тэдний зүйл биш
Энэ нь тэдний нийгмийн ур чадвар дутмагтай холбоотой. Ихэнх интровертууд үймээн самуунаас зайлсхийхийн тулд олон нийтийн цугларалтад оройтож ирдэг эсвэл түрүүлж явдаг гэнэ.
3. Бодол санаагаа илэрхийлэхэд хүндрэлтэй байдаг
Интроверт хүмүүс бодол санаагаа яаж илэрхийлэхээ мэдэхгүй зовдог. Тэд өөрсдийн өвөрмөц сэтгэхүйн улмаас хэт их сэтгэх хандлагатай байдаг бөгөөд үүнээсээ болж заримдаа бусадтай ярилцахад саад болдог. Гэсэн хэдий ч тэд хамгийн сайн хариултыг олох нь гарцаагүй. Интровертууд бодлоо хэлэхээс илүү бичихийг илүүд үздэг. Учир нь санаа бодлоо цэгцтэй илэрхийлэхэд хялбар байдагтай холбоотой.
4. Анхаарлын төвд байх нь тэднийг тавгүйтүүлдэг
Интроверт хүмүүс олны өмнө ярьж, анхаарлын төвд байхдаа сандарч тавгүйтдэг. Тэдний хувьд энэ нь хэтэрхий хүнд, сэтгэл санааны хувьд ядаргаатай зүйлсийн нэг юм.
5. Зөрчилдөөнтэй зан ааштай байх
Нэг өдөр тэд яриа хөөрөөтэй, дараагийн өдөр нь үл үзэгдэгч мэт байдаг. Тэдний хэн ч 100 хувь дотогшоо нэгэн биш тул заримдаа бусадтай нээлттэй хаилцаж чаддаг. Гэсэн ч ихэнхдээ та тэднийг өрөөнд байгааг ч анзаарахгүй.
6. Унтлагын өрөө бол тэдний аюулгүй орон зай
Интровертууд нийгмийн харилцаанд ядарч туйлддаг тул амарч, өөрийгөө цэнэглэх аюулгүй орон зай нэн чухал. Мөн уг орон зай нь хувийнх байх ёстой бөгөөд унтлагын өрөө энэ шаардлагад төгс тохирдог аж. Тэнд л интровертууд өөрийнхөөрөө байж, саад болдог бүх гадны хүчин зүйлээс зугтаж чаддаг.
7. Шинэ хүмүүстэй уулзахдаа ичимхий болчихдог
Чимээгүй байдлаасаа болж тэд бусдад ичимхий мэт сэтгэгдлийг төрүүлдэг. Үүнээс болж зарим хүн интровертуудыг өөртөө итгэлгүй, ямар нэгэн зүйл нууж байна гэж таамаглах нь ч бий. Үнэн хэрэгтээ тэд сайн танихгүй хүмүүстээ хувийн амьдралаа хуваалцах дургүй. Эсрэгээрээ дотны хүмүүстээ нээлттэй, илэн далангүй байж чаддаг.
8. Бүхнийг өөрөө хийдэг
Интроверт хүмүүс тусламж хүсэхийг үзэн яддаг. Бусдаас тусламж гуйхын оронд хэчнээн их цаг зарцуулсан ч хамаагүй өөрөө хийж, асуудлыг өөрөө шийдвэрлэхийг хичээдэг талтай. Бас бусдаас асуулт асууна гэдэг тэдний хувьд бас нэгэн хүнд даваа. Тэд тэнэг эсвэл юу ч хийж чаддаггүй юм шиг сэтгэгдлийг бусдад төрүүлэхээс айдаг.
9. Төлөвлөгөө цуцлагдана гэж найддаг
Найзууд нь оройн хоолны захиалгаа цуцлах үед интровертуудын мөрөөдөл биелсэн мэт санагддаг. Тийм ээ, тэд явахыг зөвшөөрсөн ч төлөвлөгөө нь бүтэлгүйтнэ гэж битүүхэн найддаг. Тэд найзууддаа үргэлж талархдаг ч заримдаа биечлэн уулзахын оронд мессеж бичиж, утсаар ярих нь амар байдаг.
10. Зөвхөн гүнзгий харилцаа л эхлүүлдэг
Харилцааны тухайд интровертууд бусадтай гүн гүнзгий, утга учиртай харилцаа тогтоох хандлагатай. Хэрвээ та дотогшоо хүнтэй үерхэж байгаа бол санаа зовох хэрэггүй. Түүний хувьд та онцгойлон сонгосон үнэ цэнтэй нэгэн юм шүү. Магадгүй тэр таныг дотоод ертөнцөө хуваалцахуйд найдвартай нэгэн гэж мэдэрсэн байх вий.
Нийтлэлийг бэлтгэсэн: Б.Энхжин
