2 мин

Улаанбаатар хотод есдүгээр сард хийж болох хамгийн гоё 9 зүйл

О.Анхзаяа 2023.08.24 3 1

Есдүгээр сар айсуй. Миний хамгийн дуртай цаг үе. Миний төрсөн өдөр болдог болохоор ч биш, ер нь л хамгийн гоё үе одоо тохиодог юм шиг санагддаг. Дараах зүйлсийг туршаад үзээрэй.

1. Шүхрээр нисэж үзэх

Цоо шинэ мэдрэмжийг авч, өөрийн дэггүй, галзуу чанараа сэрээгээрэй. Намрыг дулаахан бас үзэсгэлэнтэй байгалийг дээрээс тольдох шиг сайхан зүйл байхгүй. 

2. Жимс, ногоо даршилж хадгалах, ликёр хийх

Өөрийн гараар ногоо даршилж, жимсний чанамал бэлдэж, ликёр хийж үзэхэд таатай цаг үе. Би лав хөл хорионы үед өөрөө янз бүрийн жимсээр ликёр хийж дараад, дараа нь найзууддаа бэлэглэж байсан. Амт бол тасархай!

3. Хэллоуны хувцас чимэглэлээ гараар урлаж эхлэх

Намар болоход хамгийн түрүүнд бодогдож сэтгэл хөдөлдөг зүйлсийн нэг бол Хэллоуны баяр. Энэ баяраар ямар дүрд хувирах вэ гэдгээ эртнээс бодоод, бэлдэж эхэлбэл, өөрийн гараар хийвэл сонирхолтой биш гэж үү?

4. Агаарт гарах, өдрийн зугаалга хийх

Намрын налгар, дулаахан өдрүүдэд найзуудтайгаа эсвэл гэр бүлээрээ, хосоороо хоол унд, амттан авчраад, бүтээлэг дэвсээд амарч суух ч бас сайхан шүү.

5. Мориор зугаалах 

Байгалийн сайхныг хамгийн гүн мэдрэх боломж бол морьтой аялах. Та байгальтай нэгэн бүхэл болсон мэт санагдах болно.

6. Шинэ номууд уншиж эхлүүлэх (Уран зөгнөлт, ид шидийн, аймшгийн)

Намар уншихад хамгийн тохиромжтой номууд бол аймшгийн, уран зөгнөлт, ШУ-ны уран зөгнөлт, ид шид, нууцлаг ертөнцтэй холбоотой ном байх болно. Та тэс өөр ертөнцөөр аялж, гайхалтай номуудын амтанд шунаарай.

7. Навчны наамал хийх

Шарласан навчис цуглуулаад хамтдаа ямар нэгэн бүтээл урлаад, дараа нь хадгалж үлдэхэд үнэхээр дурсамжтай байх болно.

8. Галт тэргээр аялах

Намрын ой мод, зам харгуй ямар үзэсгэлэнтэй билээ дээ. Тэр тусмаа галт тэргээр явж байхдаа дуу сонсоод, цонхоор харж явахад та намрын дахин давтагдашгүй өнгө төрхийг олж харах болно.

9. Парк дээр тоглох

Дулаахан хувцаслаад, хүссэн бүх тоглоом дээрээ ханатлаа тоглоод аваарай. Өвөл болж, парк хаагдахад дараа зун хүртэл хүлээхэд дэндүү урт юм шиг санагдана.

О.Анхзаяа 2023.08.24