“MONGOL MADE” хүнс үйлдвэрлэнэ
2023 оны 12 сард 10 төрлийн хүнсний бүтээгдэхүүн зах зээлд нэвтрүүлнэ.
Ариутгал, ахуйн хэрэглээ, арьс арчилгааны 40 гаруй нэр төрлийн бүтээгдэхүүн үйлдвэрлэгч “MONGOL MADE” нэгдэл үйл ажиллагааныхаа цар хүрээг тэлж хүнсний салбарт орж буйгаа албан ёсоор мэдэгдэж байна.
Дотоодын савангийн хэрэгцээг 100 хувь хангах хүчин чадал бүхий савангийн автомат үйлдвэрийг ашиглалтад оруулж, гар аргаар саван үйлдвэрлэгчдийг түүхий эд, тоног төхөөрөмжөөр ханган үйлдвэрлэгч болох боломж олгон савангийн кластер үүсгэн ажиллаж буй “MONGOL MADE” нэгдэл сэтгэл шингэсэн сайн хүнсийг “MONGOL MADE GOURMET” нэрийн дор үйлдвэрлэнэ.
Ирэх сард 10 төрлийн хүнсний бүтээгдэхүүн зах зээлд нэвтрүүлэх ба монгол уламжлалаар бүтээсэн сүү сүүн бүтээгдэхүүн, элсэн чихрийн орц найрлагагүй жимс жимсгэнээр хийсэн бүтээгдэхүүн, зэрлэг органик амттан гэсэн үндсэн 3 чиглэлд бүтээгдэхүүнүүдээ гаргана.
Булган аймгийн Сайхан сумын айраг, Дорноговь аймгийн Эрдэнэ сумын хоормог, Өвөрхангай аймгийн Хужирт сумын шимийн архи, Хөвсгөл аймгийн Хатгал сумын тараг, Завхан аймгийн Түдэвтэй сумын аарц гэсэн ТАВАН ХОШУУ нэртэй монгол уламжлалаар бүтээсэн сүүн бүтээгдэхүүний багцыг малчны хотноос эрүүл ахуйн чанар стандартад нийцүүлэн харилцагчдынхаа ширээн дээр авчрах нь.
Элсэн чихрийн хэт их хэрэглээнээс зайлсхийх харилцагчдынхаа эрэлтэд нийцүүлэн монгол зөгийн балтай зэрлэг жимсний чанамалуудыг мөн зах зээлд гаргах юм байна.
Монголыг зорин ирэх жуулчдын хэрэгцээнд зориулан 2 төрлийн зэрлэг органик амттаныг монгол уламжлалаар бүтээж байна.
Бүтээгдэхүүнүүдийн сав баглаа боодлын үйлдвэрлэлийг ХонгКонгийн Мин Фай групп хариуцан ажиллаж байна.
ЭНЭ МЭДЭЭНД ӨГӨХ ТАНЫ СЭТГЭГДЭЛ?
- СЭТГЭГДЭЛ БИЧИХ
- Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Тархиа хөгжүүлэх энгийн 12 арга
Хүн хөгширвөл хөшиж үхдэг гэдэг шиг тархийг ч мөн адил ачаалуулахгүй бол сэтгэн бодох чадварт нөлөөлөх нь бий. Иймд тархий хөгжүүлж, сэргэг байхад тань туслан энгийн хэрэгсэл, хөгжөөнт тоглоомуудыг хүргэе.
Фото: Интернэтийг эзэгнэж буй топ 10 МУУР
Цахим сүлжээнд хэзээ ч моодноос гардаггүй гол сэдэв бол муур гэдгийг та мэдэх үү? Хөвсгөр зөөлөн, өхөөрдөм энэ амьтад он удаан жил хүн төрөлхтний хайрыг татсаар буй. Цаашдаа ч татсаар байхыг дараах зургуудаас харж болно. Угаас яаж тэднийг хайрлахгүй байж болох вэ дээ?
Адал явдлаа эхлүүлж, аялалдаа бэлдэх 8 хэрэгтэй зүйл
Солиотой сонсогдож магадгүй гэхдээ аян замд повер банкныхаа цэнэглэгчийг хурдан гарзадмааргүй байгаа бол хөргөгчид хонуулаад үзээрэй. Учир нь ихэнх цэнэглэдэг батарейнууд хүйтэн температурт хадгалахад бүрэн цэнэгийнхээ 90% -ийг хадгалдаг.
Удахгүй Монголд тоглох “Ride” хамтлагийн тухай бидний мэдэх ёстой баримтууд
1. “Ride” хамтлаг нь 1988 онд Оксфордод байгуулагдсан Английн рок хамтлаг юм.