Арванхоёрдугаар сарын 8-ны 9:00 цагаас ШУА-ийн хүрээлэнгүүдийн нэгдсэн II байрын хурлын танхимд “Бодь мөрийн зэргийн сургаал орчин үед” сэдэвт эрдэм шинжилгээний хурал явагдана.
Эл эрдмийн хурлыг ШУА-ийн Философийн хүрээлэн, ШУА-ийн Хэл зохиолын хүрээлэн, Зүүн хүрээ Дашчойлин хийд, Зүүн хүрээ коллеж, Бурхны шашин соёл судлалын хүрээлэн хамтран зохион байгуулах юм.
Эрдэм шинжилгээний хурал Бодь мөрийн зэргийн судлал олон улсад, Бодь мөрийн зэргийн сургаал орчин үед гэсэн үндсэн хоёр хэсгээр хуралдах ажээ. Та бүхэн эл эрдмийн хурлын үеэр хэлэлцүүлэх илтгэлүүдийн дэлгэрэнгүй хуваарьтай танилцана уу.
