Хүн хэр хурдан дурладаг талаар та гайхан бодож байсан уу? Хүн бүрийн дурлах хугацаа ялгаатай боловч судалгаагаар эрэгтэй эмэгтэй хүмүүсийн дурлахад зарцуулдаг дундаж хугацааг дараах багцаалан гаргажээ.
"YouGov" судалгааны байгууллага болзооны eHarmony сайттай хамтран анхны болзооноос эхлээд нэгэндээ "Хайртай" гэж хэлэх хүртэл залуус хэр их хугацаа зарцуулж буйг тооцоолжээ. Ингэхэд эрчүүд дунджаар 88 өдөрт, эмэгтэйчүүд 134 өдөрт нөгөө хүндээ хайртайгаа мэдэрч, нэгэндээ хайр сэтгэлээ илчилдэг болох нь тогтоогджээ. Үүнээс гадна "Elite Singles" гэх болзооны сайт 2017 онд хэрэглэгчдээсээ судалгаа авахад эмэгтэйчүүдийн 61 хувь нь, эрчүүдийн 72 хувь нь анхны харцаар дурладаг гэдэгт итгэдгээ илэрхийлжээ.
2020-2021 онд буюу коронавирусийн цар тахлын үеэр "Bumble" болзооны аппликейшнд явуулсан судалгаанд оролцогчдын 67 хувь нь "Амьдралдаа хэзээ ч хараагүй хүндээ дурлах боломжтой" гэж хариулжээ. Тэгэхээр магадгүй хурдан дурлах нь хэр хурдан зурвас бичихтэй холбоотой ч байж мэдэх юм шүү
Эх сурвалж: Newscientist.com
