"Pantone" өнгөний стандартын байгууллагаас жил бүр тухайн өнгийг тодорхойлох, бэлгэдэл бүхий өнгийг нэрлэдэг. Тэгвэл ирэх 2024 оныг тодорхойлох өнгөөр "Peach Fuzz" хэмээх өвөрмөц өнгийг нэрлэлээ.
Уг энхрий зөөлөн, тухтай, сэтгэл дулаацуулам өнгөөр дамжуулан хүн хоорондын амьд харилцаа, нэгнээ хайрлах нигүүлсэл сэтгэлийг түгээн дэлгэрүүлэхийг дэлхий дахинд уриалжээ.
Хилэн тоорын өнгө гэж хэлж болох "Peach Fuzz" өнгө нь бодол санаа, бие махбод, сүнслэг байдлыг гэрэлтүүлэн, нэгнээ зөөлөн дулаан сэтгэлээр энэрэхүйг билэгдэж байна.
"Pantone"-ий гүйцэтгэх захирал Леатрис Эйсман "Бид хүний төрөлхийн ойр дотно байдал, харилцаа холбоог хүсэн эрэлхийлэхүйг энэхүү орчин цагийн дэгжин өнгө аясыг хадгалсан гэгээлэг дулаан өнгөөр тодорхойлж байна" гэжээ.
Эх сурвалж: Pantone
