Валентины баярыг "сүржин" тэмдэглэдэггүй хүмүүсийн туршиж, хийж үзэх 7 зүйл
Таны хувьд хайртай хүнтэйгээ хамт энэхүү баярыг тэр болгон тэмдэглэж, ач холбогдол өгч үзээгүй бол хийж, туршиж үзэх хэд хэдэн зүйлийг санал болгож байна.
1. Оройн хоолоо арай өөрөөр турших
Энгийн л нэг хоол хийж идэх биш арай онцгой зоог бэлдэж, лааны гэрэлд хамтдаа хооллоод үзвэл ямар вэ? Илүү романтик, өмнө хийж байгаагүй хоол ч юм уу онцгой үед л хийж иддэг хоолоо хийж, гэртээ байгаа хэдий ч арай онцгой хувцаслаад хооллоцгоовол үнэхээр романтик байх болно.
2. Хосын зураг авхуулах
Зүгээр ч нэг зураг биш мэргэжлийн зураг авхуулаарай. Илүү мэдрэмжтэй, урлагийн өнгө аястай, дараа нь харахад ч үзэсгэлэнтэй тийм зураг авалтад орж, гайхалтай дурсамжийг бүтээгээрэй.
3. Өөр ямар нэг газар хамтдаа цагийг өнгөрүүлэх
За энэ болбоос, магадгүй хотоос жаахан хол гарч хамтдаа амрах байж болно. Эсвэл хотын хамгийн гоё зочид буудлуудын нэгд хамтдаа сайхан хоол идээд, кино үзээд амраад өнгөрөөж болно. Орчноо жаахан ч гэсэн солиод үзвэл танд үнэхээр таалагдах нь мэдээж.
4. Ирээдүйгээ ярилцах хамгийн сайхан боломжийг бий болго
Энэ өдөр бие биенээсээ асуухыг хүсдэг магадгүй 20, 20 асуултыг бэлдэж ирж болох юм. Тэгээд хоорондоо сэтгэлээ нээн ярилцаж, дотоод мэдрэмжээ уудлан гаргаж ирж, нууц хааж, ярьж чадахгүй байсан бүхнийхээ тухай дотроо онгойтол ярилцан, ойлголцож, илүү дотно холбогдсон мэдрэмж аваарай. Мэдээж хэрэг асуулт бэлдэхдээ мэдрэмжтэй байхгүй бол маргаан болж мэдэх тул энэ тал дээр аль аль нь хүлээцтэй, нээлттэй хандах ёстой юм шүү.
5. Кино юм уу тоглолт үзэх
Зүгээр л нэг оройг өнгөрүүлэхийн оронд хамтдаа кино үзэж, эсвэл тоглолт үзэн цагийг өнгөрүүлээрэй. Хайрын дуунууд, аялгуунууд сонсож, хамтдаа хөтлөлцөөд сууж байх ч бас сайхан шүү.
6. Хамтдаа гараар ямар нэг зүйл урлах
Янз бүрийн материал, хэрэглэгдэхүүн бэлдээд өөрсдийн төсөөлөлд орж ирсэн юуг ч хамаагүй хийж, нэг нэгэндээ бэлэглээрэй.
7. Bar Hopping хийх
Нэг газраа л сууцгаах биш янз бүрийн шинэ содон, өмнө нь орж байгаагүй газруудаараа орж, тэндээсээ нэг нэг л уух юм захиалж, дараагийн байршил руу хөдлөөрэй. Энэ мэтээр хэдэн газраар явж, ямар хөгжилтэй дурсамж бүтээх бол? Хамтдаа олж мэдээрэй.
ЭНЭ МЭДЭЭНД ӨГӨХ ТАНЫ СЭТГЭГДЭЛ?
- СЭТГЭГДЭЛ БИЧИХ
- Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Тархиа хөгжүүлэх энгийн 12 арга
Хүн хөгширвөл хөшиж үхдэг гэдэг шиг тархийг ч мөн адил ачаалуулахгүй бол сэтгэн бодох чадварт нөлөөлөх нь бий. Иймд тархий хөгжүүлж, сэргэг байхад тань туслан энгийн хэрэгсэл, хөгжөөнт тоглоомуудыг хүргэе.
Фото: Интернэтийг эзэгнэж буй топ 10 МУУР
Цахим сүлжээнд хэзээ ч моодноос гардаггүй гол сэдэв бол муур гэдгийг та мэдэх үү? Хөвсгөр зөөлөн, өхөөрдөм энэ амьтад он удаан жил хүн төрөлхтний хайрыг татсаар буй. Цаашдаа ч татсаар байхыг дараах зургуудаас харж болно. Угаас яаж тэднийг хайрлахгүй байж болох вэ дээ?
Адал явдлаа эхлүүлж, аялалдаа бэлдэх 8 хэрэгтэй зүйл
Солиотой сонсогдож магадгүй гэхдээ аян замд повер банкныхаа цэнэглэгчийг хурдан гарзадмааргүй байгаа бол хөргөгчид хонуулаад үзээрэй. Учир нь ихэнх цэнэглэдэг батарейнууд хүйтэн температурт хадгалахад бүрэн цэнэгийнхээ 90% -ийг хадгалдаг.
Удахгүй Монголд тоглох “Ride” хамтлагийн тухай бидний мэдэх ёстой баримтууд
1. “Ride” хамтлаг нь 1988 онд Оксфордод байгуулагдсан Английн рок хамтлаг юм.