Италийн дизайнер, загвар өмсөгч Эуженио Каснигиг Met Gala 2024-өөс халсан байна. Шалтгаан нь өнгөрсөн жилийн ёслолд тэр гадна төрхөөрөө Кайли Женнерийг даван гарч, алдарт одын нэр хүндэд халдсан ажээ.
Каснигиг уг нь энэ жил ёслолын зочдын туслахаар дахин урьсан гэнэ. Өнгөрсөн жил тэр Кайли Женнерийн туслахаар амжилттай ажиллаж, энэ жил ч бас зочдод туслах ажил хийхээр болсон байжээ. Гэтэл ёслолоос хоёр хоногийн өмнө түүнд ирээд хэрэггүй гэсэн захидал иржээ.
Учрыг лавлатал Met Gala 2023 ёслолын үеэр хийсэн гэрэл зураг, видео бичлэгийг үзсэн хүмүүс 26 настай царайлаг итали залууг анхаараад Кайлигийн талаар огт сэтгэгдэл дурсаагүй байсан тул хэрэггүй гэсэн байна.
